पिंपरी-चिंचवडमध्ये दरोडा टाकणाऱ्या मुख्यसूत्रधारांचा एन्काउंटर करत खात्मा

पिंपरी(वास्तव संघर्ष) चिंचवडमधील रहाटणी येथे पुणेकर ज्वेलर्सवर दरोडा टाकणाऱ्या सराईत गुन्हेगाराचा उत्तर प्रदेश येथे पोलिसांनी एन्काउंटर करत खात्मा केल्याचे समोर आले आहे.

वाकड पोलिसांनी दिलेल्या माहितीनुसार,रवींद्र उर्फ कालिया गोस्वामी (वय-२८ रा.आदमपूर, हिस्सार) असे एन्काउंटरमध्ये ठार झालेल्या सराईत गुन्हेगाराचे नाव असून मार्च महिन्यात बंदूकधारी सहा जणांच्या टोळक्याने पिंपरी-चिंचवड शहरातील पुणेकर ज्वेलर्स या सराफी पेढीवर दरोडा टाकला होता. यात मालक दिव्यांक मेहता यांच्यावर गोळी झाडण्यात आली होती, त्यात ते गंभीर जखमी देखील झाले होते.

त्यानंतर दुकानातील तीन किलो सोन्याचे दागिने आणि सीसीटीव्ही डीव्हीआर घेऊन पोबारा केला होता. घटनेनंतर वाकड पोलीस परराज्यात जाऊन आरोपीचा शोध घेत होते. मात्र, त्यांच्या हाती निराशाच येत होती. अखेरीस आज  त्यांना हवा असलेला या दरोड्यातील मुख्यसूत्रधार रवींद्रचा उत्तर प्रदेश पोलिसांनी मेरठ येथील दौराला येथे सरधान रोडवर  एन्काउंटर करत खात्मा केल्याची माहिती वाकड पोलिसांनी दिली.

Share this: