कासारवाडीच्या उड्डाणपुलावरून तरुणाने उडी मारून केली आत्महत्या

भोसरी (वास्तव संघर्ष) : कासारवाडी येथील जे आर डी टाटा उड्डाणपुलावरून एका तरुणाने उडी मारून एका  आत्महत्या केली आहे . ही घटना बुधवारी (दि. 04 ) सायंकाळी चारच्या सुमारास घडली आहे .

शुभम विजय कांबळे (वय-27 , रा. सम्राटनगर, पिंपळे सौदागर) असे आत्महत्या केलेल्या तरुणाचे नाव आहे.

पोलिसांनी दिलेल्या माहितीनुसार, बुधवारी सायंकाळी चारच्या सुमारास शुभम हा त्याच्या दुचाकीवरून नाशिकफाटा येथील जेआरडी टाटा उड्डाणपुलावर आला. तेथून त्याने खाली पुणे – मुंबई महामार्गावर उडी मारली. या घटनेत तो गंभीर जखमी झाला. त्याला वायसीएम रुग्णालयात दाखल केले. मात्र, उपचारापूर्वीच त्याचा मृत्यू झाल्याचे डॉक्टरांनी घोषित केले. आत्महत्येचे कारण समजू शकले नाही.अधिक तपास भोसरी पोलीस करीत आहेत.