‘एसआरए’ सर्व्हेला विरोध केला म्हणून खंडेवस्तीतील रहिवाशांवर तलवारीने वार

पिंपरी(वास्तव संघर्ष) :झोपडपट्टी पुनर्वसन प्राधिकरणाच्या माध्यमातून भोसरी- खंडेवस्ती येथील झोपडपट्टीचे पुनर्वसन करण्याचे एस.आर.ए प्रकल्पाचे सर्वेक्षण करण्यात येत आहे.माञ या सर्व्हेला येथील रहिवाशांनी विरोध केला असता त्याच्यावर तलवारीने वार केल्याचा धक्कादायक प्रकार घडला आहे. ही घटना मंगळवारी(दि.30) रोजी सायंकाळी साडेसहा च्या सुमारास खंडेवस्ती येथे घडली आहे.

गणेश दशरथ भोले यांनी याबाबत एमआयडीसी भोसरी पोलीस ठाण्यात फिर्याद दिली आहे.

पवित्रसिंग भोंड, शक्तीसिंग भोंड , अन्नुशौर पवित्रसिंग भोंड ,महीला आरोपी,महीला आरोपी,शक्तीसिंग भोंडचे वडील ,शक्तीसिंग भोंडची आई (सर्व रा.खंडेवस्ती सेक्टर नं .10 भोसरी पुणे) असे गुन्हा दाखल करण्यात आलेल्या आरोपींची नावे आहेत आहे.

पोलीसांनी दिलेल्या माहितीनुसार, यातील फिर्यादी यांनी त्यांच्या राहत्या परिसरातील खंडेवस्ती येथील एस.आर.ए.सर्व्हे करण्यास विरोध केल्याच्या कारणावरुन आरोपी पवित्रसिंग याने फिर्यादी यांचे अंगावर हातात तलवार घेवुन धावुन जावुन हातातील तलवार नाचवुन फिर्यादी यांच्या राहत असलेल्या परिसरात दहशत निर्माण केली व तलवार नाचवताना फिर्यादी यांचे वहिनी यांच्या डावे हाताच्या दंडास तलवार खरचटुन वार करण्यात आला. तसेच आरोपी शक्तीसिंग यांने लोखंडी पाईप हातात घेवुन फिर्यादी व त्यांचे कुटुंबातील सदस्यांच्या अंगावर धावुन जावुन मारहाण केली तसेच इतर आरोपींनी फिर्यादी यांच्या कुटुंबातील सदस्यांना शिवीगाळी करुन लाथा बुक्क्यांनी मारहाण केली आहे.अधिक तपास एमआयडीसी भोसरी करत आहे.