पिंपरी चिंचवड :भर दिवसा घरात घुसून सोन्याचे दागिने चोरून चोर फरार

हिंजवडी (वास्तव संघर्ष) भर दिवसा घराच्या उघड्या दरवाज्याद्वारे प्रवेश करत चोरट्याने घरातून दिड तोळे वजनाचे सोन्याचे दागिने चोरत चोर फरार झाले आहेत . हा प्रकार शहराच्या हिंजवडी परिसरात १९ ऑगस्ट रोजी सकाळी नऊ ते दुपारी दोनच्या सुमारास घडला.याप्रकरणी श्रद्धा सुभाष मेनगर (वय २८ रा. हिंजवडी) यांनी हिंजवडी पोलिस ठाण्यात शनिवारी (दि.३१) फिर्याद दिली आहे.यावरून अज्ञात चोरावर गुन्हा दाखल करण्यात आला आहे.

पोलिसांनी दिलेल्या माहितीनुसार फिर्यादी या त्यांच्या कामवाल्या बाई सोबत त्यांच्या खोलीत गप्पा मारत बसल्या होत्या.यावेळी घराच्या उघड्या दरवाज्यातून घरात प्रवेश करत घरातील दिड तोळे वजनाची ४० हजार रुपयांची सोन्याची साखळी चोरून नेली आहे.यावरून हिंजवडी पोलिस ठाण्यात गुन्हा दाखल करण्यात आला असून पोलिस पुढिल तपास करीत आहेत.