प्रविण उर्फ बाळासाहेब गायकवाड यांच्या पदयात्रामुळे पिंपरी वंचितमय ;गांधीनगर, खराळवाडी पिंपरीत नागरिकांचा मोठा प्रतिसाद
पिंपरी (वास्तव संघर्ष ) :- पदयात्रा, रॅलीला मिळणारा भरघोस प्रतिसाद, प्रचारामध्ये युवकांचा स्वयंस्फूर्तीने वाढता सहभाग यामुळे पिंपरी विधानसभा मतदार संघातील वंचीत बहुजन आघाडीचे अधिकृत उमेदवार प्रवीण उर्फ बाळासाहेब गायकवाड यांचा प्रचार चर्चेच्या केंद्रस्थानी आहे. त्यांना मिळणारा प्रतिसाद पाहता पिंपरीमध्ये परिवर्तनाचे वारे वाहत असल्याची चर्चा मतदार संघात रंगली आहे.
पदयात्राला सुरूवात आंबेडकर चौकातून पिंपरीतील गांधीनगर, खराळवाडी विधानसभा मतदार संघात बाळासाहेब गायकवाड यांची प्रचार रॅली काढण्यात आली त्यांच्या पदयात्रा, रॅलींना होणारी गर्दी, मतदार संघातील नागरिकांकडून मिळालेला पाठिंबा यामुळे गायकवाड यांची मतदार संघातील ‘क्रेझ’ वाढत असल्याचे पहायला मिळत आहे.
प्रकाश आंबेडकर यांची उद्या पिंपरीत सभा
पिंपरी विधानसभा मतदारसंघातून वंचीतने प्रविण उर्फ बाळासाहेब गायकवाड यांना उमेदवारी जाहीर केल्याने उद्या याच मतदारसंघात अॅड बाळासाहेब आंबेडकर यांची जाहीर सभा होणार आहे . त्यामुळे राजकीय वातावरण चांगलेच तापणार हे नक्की. आंबेडकरांच्या सभेमुळे वंचित बहुजन आघाडीच्या कार्यकर्त्यांमध्येही उत्साह संचारला आहे. ही सभा प्रविण उर्फ बाळासाहेब गायकवाड यांच्यासाठी प्लस पॉईंट ठरणार हे नक्की.
