मलाच मुख्यमंत्री करा..! अभिजित बिचकुले करणार राज्यपालांकडे सत्तास्थापनेचा दावा

वास्तव संघर्ष आॅनलाईन :- विधानसभा निवडणुकांचे निकाल लागले असले तरीही सत्ता स्थापनेचा तिढा अजूनही सुटलेला नाही. राज्यपालांनी भाजपाला सत्ता स्थापनेसाठी आमंत्रण दिले आहे. मात्र आता ‘बिग बॉस मराठी’ फेम अभिजीत बिचुकले हे राज्यपालांकडे सत्ता स्थापनेचा दावा करणार असल्याचे वृत्त आहे. विधानसभा निवडणुकीत बिचुकलेंनी वरळी मतदारसंघातून अपक्ष उमेदवार म्हणून निवडणूक लढवली होती. आता बिचुकलेंनी राज्यातील समस्त नवनिर्वाचित आमदारांना पत्र पाठवून आपल्याला पाठिंबा देण्याचे आवाहन केले आहे. येत्या दोन दिवसांत आपण महाराष्ट्राचे राज्यपाल भगतसिंग कोश्यारी यांच्याकडे सत्ता स्थापनेचा दावा करणार असल्याचे बिचुकलेंनी या पत्रात म्हटले आहे.

अभिजीत बिचुकले हे पञात काय म्हणतात ?

अभिजीत बिचुकले या पत्रात म्हणतात की, ‘मी स्वत: गेली २० वर्षे समाजकारण आणि अपक्ष राजकारण करीत आहे, हे आपणांस माहिती आहेच. विशेष म्हणजे सातारा जिल्ह्यातील ताकदवान नेते माजी खासदार उदयनराजे भोसले यांच्या विरुद्ध संविधानाने दिलेला अधिकार वापरुन २००४, २००९, २०१४ आणि २०१९ अखेर सर्व लोकसभा आणि विधानसभा लढविल्या आहेत. मला राष्ट्रपती पद मिळावे यासाठी देखील मी प्रयत्न केले होते. महाराष्ट्रात नुकत्याच झालेल्या विधानसभा निवडणूक २०१९ साठी मी १८२ वरळी विधानसभा मतदारसंघातून निवडणूक लढवली