चिंचवडमधील मोहननगर येथे दोघांवर कोयत्याने वार ;. पोलिसांनी तिघांना केली अटक

पिंपरी (वास्तव संघर्ष) – पिंपरी चिंचवडच्या मोहननगर येथे पूर्ववैमनस्यातून चार जणांनी मिळून दोघांना मारहाण करत कोयत्याने वार केले . यामध्ये दोघेजण जखमी झाले आहेत . ही घटना बुधवारी ( दि . 19 ) रात्री साडेदहा वाजता मोहननगर , चिंचवड येथे घडली . याबाबत पोलिसांनी तीन जणांना अटक केली आहे .

रुदळ प्रभाकर फाळके ( वय 21 ) , अरविंद उर्फ सोन्या रमेश काळे ( वय 19 ) , विशाल विष्णू लष्करे ( वय 22 , सर्व रा . चिंचवड ) अशी अटक केलेल्या आरोपींची नावे आहेत . यांच्यासह आयुष निंबाळकर ( रा . मोहननगर , चिंचवड ) याच्यावर गुन्हा दाखल करण्यात आला आहे .

याप्रकरणी संतोष बाबू खोकर ( वय 40 , रा . चिंचवड ) यांनी पिंपरी पोलीस ठाण्यात फिर्याद दिली आहे . पोलिसांनी दिलेल्या माहितीनुसार , फिर्यादी संतोष यांचे आरोपींसोबत मागील काही दिवसांपूर्वी भांडण झाले होते . या भांडणाच्या रागातून बुधवारी रात्री आरोपींनी संतोष यांना मारहाण केली . काही वेळाने पुन्हा कोयते व लोखंडी रॉड घेऊन आले . रुदळ याने संतोष यांच्या डाव्या हातावर वार केला . विशाल याने संतोष यांचा मित्र प्रति ढोरमले यांच्या छातीवर व हातावर जखम केली . सोन्या काळे याने संतोष आणि प्रति या दोघांना मारहाण केली . पोलिसांनी तिघांना अटक केली असून पिंपरी पोलीस अधिक तपास करीत आहेत .