वाहतूक पोलीसाला लोखंडी रॉडने मारहाण करणाऱ्या दोन आरोपींना अटक

चाकण (वास्तव संघर्ष) : कंटनेर बाजूला घ्या असे म्हणल्याचा राग येऊन चिडुन दोघांनी मिळून लोखंडी रॉड डोक्यात मारून वाहतूक पोलीसांना गंभीर जखमी केले. ही घटना शनिवारी दुपारी दोन च्या सुमारास चाकण चौकात घडली आहे. सिसिटिव्हीच्या साह्याने दोन्ही आरोपींना पोलिसांनी अटक केली आहे.

रवींद्र नामदेव करवंदे(वय 30 वर्षे) असे जखमी झालेल्या वाहतूक पोलीसांचे नाव आहे.

रोहित बाबू साळवी (वय वर्ष 20 रा आ सम्राट अशोक बिल्डिंग समोर , रेल्वे स्टेशन समोर, खोली न 303 कल्याण, ठाणे ) हर्षदीप भारत कांबळे (वय 22 वर्ष रा रूम न 6, गणपती चाळ चाळ no 7 नादिवली इस्ट कल्याण, ठाणे) असे अटक केलेल्या आरोपीचे नाव आहे.

पोलिसांनी दिलेल्या माहितीनुसार, शनिवारी दुपारी दोनच्या सुमारास वाहतूक पोलीस चाकण चौकात आपले कर्तव्य बजावत होते. याठिकाणी आरोपी रोहित बाबू साळवी, आरोपी हर्षदीप भारत कांबळे हे गर्दीत कंटेनर चालवत आले त्यांना वाहतूक पोलीसांनी कंटेनर बाजूला घ्या असे म्हटले आरोपी रोहित , आरोपी हर्षदीप यांनी वाहतूक पोलीसांशी यावरून वाद व बडबड करत त्याचा राग मनात धरून लोखंडी रॉडने डोक्यात मारून जखमी केले. आणि तेथून फरार झाले.

सदरचा गुन्हा गंभीर स्वरूपाचा आसल्याने सदर आरोपीचा शोध घेण्या बाबत पोलीस उप आयुक्त (गुन्हे) हिरेमठ यांनी तपासाबाबत सूचना दिल्या त्याप्रमाणे गुन्हे शाखा, युनिट 3 चे व पोलीस निरीक्षक शंकर बाबर यांनी दोन टीम तयार करून समांतर तपास सुरू केला, सदर आरोपीचा शोध घेत असताना चाकण तळेगाव चौक ते म्हाळुंगे असे अनेक सिसिटिव्ही फूटेजेस चेक केले व विश्लेषण करून सदर अनोळखी इसमाची माहिती घेतली व बातमीदाराना दिली त्यांचे कडून माहिती मिळाली की दोन्ही आरोपी कल्याणला पळून जाणार आहेत त्याप्रमाणे PSI प्रसन्न जऱ्हाड, PSI गिरीश चामले, HC यदु आडारी, HC गंगाराम चव्हाण, PN नाथ केकान, PC राज हणमंते, PC शशिकांत नांगरे, PC सागर जैनक, PC त्रिनयन बाळसराफ यांनी त्यांना खराबवाडी येथून अटक केली आहे.