90 हजारांची लाच घेताना अभियंता महिलेला पोलिसांनी केली रंगेहाथ अटक
तळेगाव (वास्तव संघर्ष) :पवना नदीतून शेतीसाठी पाणी उपसा करण्यासाठी शेतकऱ्याकडून 90 हजारांची लाच घेतल्या प्रकरणी रंगेहाथ उपसा जलसिंचन विभागाच्या महिला सहायक अभियंत्यास लाचलुचपत प्रतिबंधक विभागाने अटक केली आहे . ही कारवाई मंगळवारी ( दि . 6 ) रोजी दुपारच्या दिडच्या सुमारास घडली असून आरोपी महिलेला पोलिसांनी अटक केली आहे.
डॉ.फिरोज तालेब खंबाटा (वय -५६, रा .१२०२ फोरम , उदयबाग , बी.टी . कावडे रोड , वानवडी पुणे) यांनी याप्रकरणी तळेगाव दाभाडे पोलीस ठाण्यात फिर्याद दिली आहे.
मोनिका रामदास ननावरे (वय -३१ वर्षे , सहायक अभियंता , उपसा जलसिंचन उप विभाग , पवनानगर , तळेगाव रा.ठिकाण – स्म नं ३०१ रिव्हरव्हॅली सोसायटी आंबी रोड , वराळे , तळेगाव , ता.मावळ) असे लाचखोर आणि अटक केलेल्या महिलेचे नाव आहे .
पोलिसांनी दिलेल्या माहितीनुसार, आरोपी मोनिका ननावरे उपसा जलसिंचन विभाग पवनानगर येथे सहायक अभियंता वर्ग 2 या पदावर काम करतात . फिर्यादी फिरोज खंबाटा यांची मावळ तालुक्यातील करूंजगाव येथे १.९ २ हेक्टर शेती आहे . त्यांच्या शेतीला पवना नदीतून पाणी उपसा करण्याची परवानगी देण्यासाठी आरोपी मोनिका ननावरे हिने 1 लाख 20 हजारांची लाच मागितली . चर्चेअंती 90 हजार रुपये देण्याचे ठरले . त्यानुसार मंगळवारी दि (6)रोजी मावळ येथील एका गाडीच्या डीक्कीत ही रक्कम फिर्यादी यांना ठेवण्यास सांगितली. दरम्यान एसीबीने सापळा लावून आरोपी महिलेला रंगेहाथ पकडले .अधिक तपास तळेगाव दाभाडे पोलीस करीत आहेत.
