मुलीला पळून जाण्यास मदत केली म्हणून तरुणाचा लोखंडी रॉडने केला खून ;सात ते आठ आरोपींना पोलिसांनी केली अटक
चाकण (वास्तव संघर्ष) : मुलीला पळून जाण्यास मदत केली म्हणून एका तरुणाला लोखंडी रॉड गरम करुन अंगावर चटके देवुन ठार मारण्यात आले आहे. ही घटना शनिवारी (दि.17) दुपारी तीनच्या सुमारास हाॅटेल माणुसकीच्या आतील खोलीत खेड चाकण येथे घडली आहे.
राहुल दत्तात्रय गावडे (वय-20 वर्षे) असे खून झालेल्या तरुणाचे नाव आहे.
दत्तात्रय दशरथ गावडे( वय-40, रा. ठाकरवस्ती आसखेड खुर्द ता . खेड जि पुणे) यांनी याप्रकरणी चाकण पोलीस ठाण्यात फिर्याद दिली आहे.
त्यानुसार बाळु ऊर्फ आप्पा मरगज( वय-57 ) ललीता बाळु उर्फ आप्पा मरगज (वय-35) प्रसाद बाळु उर्फ आप्पा मरगज (वय-20) अभिषेक बाळु उर्फ आप्पा मरगज( वय १८ वर्षे) आनंदा सिताराम जाधव (वय ३३ वर्षे)सर्व राहणार करंजविहीरे पो शिवे ता वेड जि पुणे ) चंद्रकला उर्फ मुक्ता बाळु गावडे (वय-35 वर्षे) राजु साहेबराव गावडे (वय-43 वर्षे ) अनिल संभाजी कडाळे (वय-21 वर्षे सर्व राहणार – भामा आसखेड खुर्द ता खेड जि पुणे ) किरण बाळु मेगाळ( वय-21 रा पारगाव मोटा ता संगमनेर जि नगर) या आरोपींना पोलिसांनी अटक केली आहे.
पोलिसांनी दिलेल्या माहितीनुसार, वरील सर्व आरोपींनी फिर्यादी यांच्या दुकानाच्या समोर जाऊन मयत राहुल गावडे आणि बाळु गावडे यांनी आरोपी बाळु ऊर्फ आप्पा यांची मुलगी हिला दोन दिवसांपूर्वी पळवुन नेले होते व त्यांना पळवुन जाण्यास यातील मयत राहुल याने मदत केली होती असे आरोप करुन त्याचा राग मनात धरुन आरोपी बाळु ऊर्फ आप्पांच्या सांगीतल्या वरुन त्यांची पत्नी , दोन मुले , मेव्हणा , तसेच इतर आरोपी यांनी बेकायदा जमाव जमवुन लाकडी दांडके , क्रिकेट बॅट , व लोखंडी रॉडने फिर्यादीचा मयत मुलगा राहुल व बाळु यांच्या डोक्यावर , तोंडावर , हाता पायावर अंगावर जबर दुखापत करुन , लोखंडी रॉड गरम करुन अंगावर चटके देवुन ठार मारले . आरोपी बाळू उर्फ अप्पा याची मुलगी ही मयत राहूल सोबत पळुन गेली होती म्हणुन तिला सुध्दा जिवे ठार मारण्याच्या उद्देशाने हातापायावर डोक्यावर व अंगावर लाकडी दांडक्याने क्रिकेट बॅटने मारहाण करुन जबर दुखापत केली आहे. अधिक तपास चाकण पोलीस करीत आहेत
