कोयता आणि सिमेंटचा गटटु डोक्यात घालून एकावर खूनी हल्ला ;पिंपरी पोलीस ठाण्यात गुन्हा दाखल
पिंपरी (वास्तव संघर्ष) : माझ्याकडे डोळे वटारून बघतो का , थांब तुला दाखवतोच असे म्हणुन एकाच्या डोक्यात गट्टू आणि कोयता घालून खुनी हल्ला करण्यात आला आहे . ही घटना घडली शनिवारी साडेबाराच्या सुमारास सम्राट चौक , लालटोपी नगर महाराष्ट्र टी हाऊस मोरवाडी येथे घडली आहे. याबाबत पिंपरी पोलीस ठाण्यात गुन्हा दाखल करण्यात आला आहे.
नबीलाल बंदगी शेख (वय -34 वर्ष , रा . शिवप्रसाद कॉलनी , बि.नं. ए -42आशियाना दगडोबा चौक , वाल्हेकरवाडी रोड चिंचवड )असे हल्ला झालेल्या तरुणाचे नाव असून त्यांनी याबाबत पिंपरी पोलीस ठाण्यात फिर्याद दिली आहे.
सुमीत ससाने ( वय अंदाजे 24 , रा.अमतेश्वर कॉलनी , मोरवाडी कोर्टाचे मागे पिंपरी ) साजन ससाने (रा .अमतेश्वर कॉलनी , मोरवाडी कोर्टाचे मागे पिंपरी ) व त्याचे बरोबर इतर दोन अनोळखी इसम नाव पत्ता माहित नाही .यांच्याविरोधात गुन्हा दाखल करण्यात आला आहे.
पोलिसांनी दिलेल्या माहितीनुसार, लालटोपी नगर महाराष्ट्र टी हाऊस मोरवाडी येथे फिर्यादी नबीलाल चहा पित असताना त्यांच्या तोंड ओळखीचे यातील आरोपी सुमित आणि साजन त्यांचे बरोबर इतर दोन अनोळखी आरोपी हातात लोखंडी कोयते घेवुन आले. त्यातील आरोपी सुमित फिर्यादी नबीलाल यांना म्हणाला की , तु माझेकडे डोळे वटारून बघतो का , थांब तुला दाखवतोच असे म्हणुन सर्व आरोपींनी त्यांच्या हातातील लोखंडी कोयते व सिमेंटचे गटटुने जीवे ठार मारण्याचे उददेशाने फिर्यादी नबीलाल यांच्या डोक्यात मारून त्यांना गंभीर जखमी केले घटनास्थळावरून आरोपी फरार झाले असून आरोपीचा पोलीस शोध घेत आहेत. अधिक तपास पिंपरी पोलीस स्टेशनचे सहायक पोलिस निरीक्षक लोंढे करित आहेत.
