सिमेंटचा गटटु डोक्यात घालून खूनी हल्ला ;पिंपरी पोलीस ठाण्यात गुन्हा दाखल
पिंपरी (वास्तव संघर्ष) : जुन्या भांडणाचा राग मनात धरून एका महिलेवर सिमेंटचा गट्टू डोक्यात मारून हल्ला करण्यात आला आहे . ही घटना शुक्रवारी दुपारी साडेतीनच्या सुमारास निराधार नगर पिंपरी येथे घडली आहे. याबाबत पिंपरी पोलीस ठाण्यात गुन्हा दाखल करण्यात आला आहे.
संगीता नामदेव माले ( वय 40 , रा . निराधार नगर , पिंपरी )असे हल्ला झालेल्या महिलेचे नाव असून त्यांनी याप्रकरणी पिंपरी पोलीस ठाण्यात फिर्याद दिली आहे.
रोहित नाशे ( वय 27 ) , गणेश भुंगा कांबळे ( वय 22 ) , कुमार सुखदेव वीर ( वय 25 , सर्व रा . निराधार नगर , पिंपरी ) अशी गुन्हा दाखल झालेल्या आरोपींची नावे आहेत .
पोलिसांनी दिलेल्या माहितीनुसार , शुक्रवारी दुपारी साडेतीन वाजताच्या सुमारास फिर्यादी संगीता आणि त्यांचा मुलगा त्यांच्या घरात जेवण करत होते . त्यावेळी तिथे आलेल्या आरोपींनी जुन्या भांडणाचा राग मनात धरून फिर्यादी यांचा मुलगा आकाश यास वाईट वाईट शिवीगाळ करून हाताने मारहाण केली . फिर्यादी संगीता ती भांडणे सोडवण्यासाठी गेल्या असता आरोपींनी रोहित याने सिमेंटचा गटू फिर्यादी संगीता यांच्या डोक्यात मारून त्यांना जखमी केले. अधिक तपास पिंपरी पोलीस सहाय्यक पोलीस निरीक्षक एस. कदम करीत आहेत .
