पिंपरीत रिक्षाचालकाला सिमेंटच्या गट्टने मारहाण

पिंपरी (वास्तव संघर्ष) :घरी चाललेल्या रिक्षा चालकाला रस्त्यात अडवून सिमेंट गट्टने मारहाण करण्यात आली . ही घटना काळेवाडी येथे सोमवारी ( दि. 13) रात्री घडली.

शशिकांत काशिनाथ कदम (वय-34 , रा . ओटास्कीम , निगडी ) असे जखमी तरुणाचे नाव असून त्यांनी मंगळवारी ( दि .14) याबाबत वाकड पोलीस ठाण्यात फिर्याद दिली आहे.

अक्षय काशिनाथ शिंदे , बाळू मगर ( दोघेही रा . थेरगाव ) , भारत मधूकर शिरसाट ( रा . पिंपरी ) अशी गुन्हा दाखल झालेल्या आरोपींची नावे आहेत .

पोलिसांनी दिलेल्या माहितीनुसार , फिर्यादी कदम हे सोमवारी रात्री अकराच्या सुमारास रिक्षा घेऊन घरी चालले होते . दरम्यान , ते काळेवाडी येथे आले असता आरोपींनी त्यांची रिक्षा रस्त्यात अडविली . आरोपींनी रिक्षा घेऊन केशवनगर येथे येण्यास सांगितले . मात्र , फिर्यादी यांनी त्यांना नकार दिला . या कारणावरून चिडलेल्या आरोपींनी सिमेंटच्या गट्टने फिर्यादी कदम यांना मारहाण करून जखमी केले.अधिक तपास सहायक पोलीस निरीक्षक जाधव करीत आहेत.