पिंपरीत चाकूने भोसकून तरुणांचा खून
पिंपरी (वास्तव संघर्ष) : पिंपरीत किरकोळ कारणावरून एका तरुणाचा चाकूने भोसकून निर्घृण खून झाल्याचा प्रकार समोर आला आहे.ही घटना शुक्रवारी (दि.15) रोजी रात्री साडेदहा वाजताच्या सुमारास व्हि. आय. पी कट्टा टी हाउस समोर मोरवाडी येथे घडली आहे.
सोमनाथ प्रकाश कलापुरे (अं.वय-19 रा.खराळवाडी पिंपरी) असे खून झालेल्या तरुणाचे नाव आहेत.
दीपक राधेश्याम यादव (वय-19,रा. डबल ट्री हाॅटेलच्या मागे इंदिरानगर चिंचवड) असे अटक केलेल्या आरोपीचे नाव आहे.
पोलिसांनी दिलेल्या माहितीनुसार, सोमनाथ कलापुरे आणि आरोपी दीपक यादव यांचा मोरवाडी पिंपरी येथे किरकोळ कारणावरून वाद झाला. या वादातून यादव याने कलापुरे यांचा चाकूने भोसकून खून केला. या घटनेचा अधिक तपास पिंपरी पोलिस स्टेशनचे सहाय्यक पोलीस निरीक्षक लोंढे करीत आहेत.
