“तू कोण मला विचारणारा…असे म्हणून त्याने तर थेट पोलीस व्हॅनवरच केला हल्ला

भोसरी (वास्तव संघर्ष):पिंपरी चिंचवड येथील भोसरीकडून नाशिक फाटाकडे मध्यरात्री आरडा-ओरड आणि शिवीगाळ करत पायी चालत जाणाऱ्या एका व्यक्तीला पोलिसांनी हटकले असता त्या पठ्ठ्याने पोलिसालाच शिवीगाळ करत थेट पोलिस व्हॅनवरच दगडमारून काच फोडली. ही घटना सोमवारी (दि.19) पहाटे अडीचच्या सुमारास घडली.

याप्रकरणी पोलीस शिपाई रामदास वाव्हळ यांनी भोसरी पोलीस ठाण्यात फिर्याद दिली आहे.

राम कुंडलिक शिंदे (वय 34, रा. घोडकी, ता. वाशी, जि. उस्मानाबाद) असे अटक केलेल्या आरोपीचे नाव आहे.

पोलिसांनी दिलेल्या माहितीनुसार, फिर्यादी रामदास वाव्हळ हे भोसरी वाहतूक विभागात नेमणुकीस आहेत. सोमवारी मध्यरात्री ते रात्रपाळी कर्तव्यावर होते. मध्यरात्री अडीच वाजताच्या सुमारास आरोपी राम हा मोठमोठ्याने आरडाओरडा आणि शिवीगाळ करत पायी जात होता. त्याच्या तोंडातून रक्त येत असल्याने वाव्हळ यांनी त्याला आरडा ओरड करु नको,मी ट्राफिक पोलीस आहे , तुला काय मदत पाहिजे असे बोलले असता,आरोपीने तु कोण मला विचारणारा असे म्हणून शिवीगाळ करत म्हणाला मी काही पण करीन असे बोलून तो मोठ-मोठ्याने ओरडुन फिर्यादी यांचेशी हुज्जत घालू लागला.

तेव्हा फिर्यादी हे त्याला समजावून सांगु लागले असता त्याने फिर्यादी यांना शिवीगाळ करुन , जमिनीवर पडलेला दगड उचलून ट्राफिक ऑफिससमोर उभी असलेली मारुती सुझुकी कंपनीची इटींगा कार नं (एम एच-12आरके-5527) या शासकीय वाहनाची समोरील बाजुचे काचेवर दगड मारून काच फोडून नुकसान केले. फिर्यादी यांनी याबाबत पोलीस नियंत्रण कक्षाला माहिती दिली.भोसरी पोलिसांचे बिट मार्शल आणि डायल 112 ही पथके पोलीस शिपाई रामदास वाव्हळ यांच्या मदतीला आली. पोलिसांनी आरोपीला अटक केली आहे. अधिक तपास भोसरी पोलीस करीत आहेत