पार्कींग समस्या तसेच वाहतूक समस्या तत्काळ दूर करा;वैभव छाजेड
पिंपरी (वास्तव संघर्ष) : ऐन सणासुदीच्या काळात पिंपरी चिंचवड शहरातील पिंपरी कॅम्पात वाहतुकीची मोठी समस्या भेडसावत आहे. कॅम्पात रस्त्यावर झालेल्या अतिक्रमणामुळे वाहतूक कोंडीत भर पडत आहे.पार्किंगची व्यवस्था करण्यात यावी.तसेच प्रशासनाकडून शहरातून पार्किंगची समस्या सोडविण्यासाठी काहीच पावले उचलले जात नाहीत .
पार्किंगमुळे पोलीसाकडून वाहनानवर पावत्या फाडल्या जात आहेत.रोज खुप प्रमाणात दंड वसुल होत आहे सर्व सामान्याचे हाल होत आहेत ह्याची दखल लवकर प्रक्षासनाने घ्यावी व पिंपरी चिंचवडमधील पार्कींग समस्या तसेच वाहतूक समस्या तत्काळ दूर करण्यात यावी अशी मागणी शिवसेना महाराष्ट्र वाहतुक सेना उपाध्यक्ष वैभव छाजेड यांनी केली आहे.
दरम्यान, अतिक्रमण वाहतूक कोंडीमुळे नागरिकांना पिंपरी मार्केटमध्ये जाण्याचा येण्याचा प्रचंड त्रास होतो.त्यामुळे महापालिकेने तातडीने पार्किंगची व्यवस्था करावी. रस्त्यावरील अतिक्रमाणांमुळे वाहतूक कोंडीत भर पडते.त्यासाठी रस्त्यावरील अतिक्रमणे हटविण्यात यावीत.पथकाची नियुक्ती करावी.वाहतुकीची दररोज देखरेख करण्यात यावी.वाहतुकीला अडथळा होणार नाही याची दक्षता घ्यावी याकडे विशेष लक्ष देणे आवश्यक आहे.
