तरूणीला पळून नेण्यासाठी त्याने केला चक्क गणपतीला नवस

पिंपरी (वास्तव संघर्ष) : तरूणीला पळून नेण्यासाठी एकाने चक्क पुण्यातील दगडूशेठ गणपतीला नवस केला आहे.ही घटना मंगळवारी (दि.29) रोजी सकाळी 11.40 च्या दरम्यान नवमहाराष्ट्र शाळेजवळ पिंपरी येथे घडली आहे.

याबाबत पिडीत तरूणीने पिंपरी पोलीस ठाण्यात फिर्याद दिली आहे.

त्यानुसार आदित्य ऊर्फ सागर संजू जाधव (वय-19, रा.बालामन चाळ,नवमहाराष्ट्र शाळेजवळ पिपरी ) असे अटक करण्यात आलेल्या आरोपीचे नाव आहे.

पोलीसांनी दिलेल्या माहितीनुसार,फिर्यादी नवमहाराष्ट्र शाळा पिंपरी येथे शाळेत गेले असता त्याचे शेजारी राहणारा आरोपी आदित्य हा बुलेट गाडीवरुन येऊन फिर्यादी यांचा हात पकडत फिर्यादीला म्हणाला ‘मी दगडुशेठ गणपतीला नवस केला आहे की , मी जेव्हा नवीन बुलेट गाडी घेईन, त्यावेळी माझे गाडीवर प्रथम तुला बसवुन घेवुन येईल तु माझे बरोबर चल “असे फिर्यादी बरोबर बोलत होता. तेव्हा फिर्यादीने त्याचा हात झटकुन तु माझ्या पाठीमागे येवु नको, मी शाळेच्या शिक्षकांना तुझे नाव सांगेल असे म्हटले. तेंव्हा आरोपी याने फिर्यादीला मी कुनालाही घाबरत नाही असे म्हणून ” तु माझे बरोबर दगडुशेठ गणपतीला चल मी तुझ्यासाठी नवीन बुलेट घेतली आहे.तु माझे बरोबर आली नाहीस तर मी तुला पळवून घेवून जाईल ” अशी धमकी देवुन तेथुन निघुन गेला . याबाबत अधिक तपास पिंपरी पोलीस करीत आहेत.