रस्त्यावर हुल्लडबाजी करणा-या भाईंची दहशत एका व्हिडिओमुळे जिरली
पिंपरी (वास्तव संघर्ष): रस्त्यावर हुल्लडबाजी करणा-या भाईंची दहशत एका व्हिडिओमुळे जिरल्याचे नुकतच समोर आले आहे. दोन तरुण औंध-रावेत बीआरटी रस्त्यावर कारचालकांच्या समोर हुल्लडबाजी करत होते. कारमधील तरुणींने त्यांचा व्हिडीओ काढून पिंपरी-चिंचवड पोलिसांना टॅग केला.लागलीच पोलीसांनी त्याची दखल घेत या तरुणांना पोलीसांनी अटक केली आहे.
औंध-रावेत बीआरटी रस्त्याने आपल्या कारने एक कुटुंब जात असतांना समोर असणारे दुचाकीवरून जाणारे तरूण त्यांना पुढे जाण्यासाठी जागा देत नव्हते इतकंच नाही तर वारंवार त्यांना हाॅर्न वाजवला असता हे तरूण साईटला जाण्यासाठी जागा न देता उलट ती फोरव्हीलर ज्या ठिकाणी जाईल तीथे आपली गाडी वळवित हुल्लडबाज करून या कुटुंबाला त्रास दिला.
त्यांचा व्हिडीओ त्या कुटुंबांनी चित्रित करून ट्विटरवर टाकून पिंपरी-चिंचवड पोलिसांच्या पेजला टॅग करून यांच्यावर कारवाई करण्याची मागणी केली. त्याला पिंपरी-चिंचवड पोलिसांनी त्वरित प्रतिसाद देत त्यांच्यावर कारवाई केली. कारवाई केल्याची माहिती पोलिसांनी पोस्टकर्त्यांना टॅग करून माहिती दिली. पोलिसांच्या या पोस्टवर सोशल मीडियाकर्मींनी चांगले काम केल्याबद्दल कौतुकाची थाप दिली आहे.
