पिंपरी चिंचवडमध्ये खळबळ ;अज्ञातांकडून वाहनांची तोडफोड करुन दहशत
पिंपरी(वास्तव संघर्ष) पिंपळे गुरव परिसरात मध्यरात्री दोन जणांनी लाकडी दांडक्याने ५ वाहनांची तोडफोड केल्याची घटना समोर आली आहे. याप्रकरणी सांगवी पोलिसात गुन्हा दाखल करण्यात आला आहे.
पोलिसांनी दिलेल्या माहितीनुसार, बुधवारी मध्यरात्री दुचाकीवरून आलेल्या दोन अज्ञात समाजकंटकांनी पिंपळे गुरव परिसरातील कल्पतरू सोसायटी जवळील रस्त्याच्या कडेला उभी करण्यात आलेल्या चार चाकी वाहनांची तोडफोड केली. या वाहनांच्या काचा फोडून गाडीची प्रचंड प्रमाणात नुकसान केलीआहे.यामुळे परिसरात एकच खळबळ उडाली आहे. अज्ञात आरोपींविरुद्ध गुन्हा नोंदविण्यात आला असून सांगवी पोलिस त्यांचा शोध घेत आहेत.
