चिंचवडमधील इंदिरानगर झोपडपट्टीत गॅस स्पोट; स्फोटात २ महिला गंभीर जखमी
पिंपरी (वास्तव संघर्ष) चिंचवडमध्ये गॅस गळतीहून लागलेल्या आगीत दोन महिला जखमी झाल्या आहेत. चिंचवड परिसरातील इंदिरानगर येथील झोपडपट्टीत सकाळी ११च्या सुमारास ही घटना घडली.
चिंचवड परिसरामध्ये घरात एलपीजी गॅसच्या भीषण स्फोट झाला आहे. या स्फोटात लक्ष्मी विलास धोतरे (वय-३५) आणि संगीता गणेश पवार (वय २७) अशी जखमींची नावं आहेत.
मिळालेल्या माहितीनुसार, एका मृत व्यक्तीच्या सावडण्याचा कार्यक्रम सुरू होता, त्यासाठीचा स्वयंपाक बनवण्यात महिला व्यस्त असताना ही घटना घडली. अग्निशमन दलाच्या जवानांनी घटनास्थळी धाव घेत पुढील कारवाई पार पाडली. जखमींना रुग्णालयात उपचारासाठी दाखल करण्यात आले आहे.
