धक्कादायक:कात्रजच्या नवीन बोगद्याजवळील टेकडीवर आढळला पोत्यात महिलेचा मृतदेह

पुणे (वास्तव संघर्ष) – कात्रजच्या नवीन बोगद्याजवळील टेकडीवर एका पोत्यात महिलेचा खून करून मृतदेह टाकण्यात आल्याची धक्कादायक घटना उघडकीस आली आहे . अद्याप या महिलेची ओळख पटलेली नाही . याप्रकरणी भारती विद्यापीठ पोलीस ठाण्यात गुन्हा दाखल करण्याचे काम सुरू आहे .

पोलिसांनी दिलेल्या माहितीनुसार , नवीन कात्रज बोगद्यातून बाहेर पडल्यानंतर टेकडीवर काही नागरिक फिरण्यासाठी गेले होते . त्यावेळी त्यांना पोत्यातून वास येत होता . पाहणी केली असता त्यात महिलेचा मृतदेह आढळून आला . त्यांनी पोलिसांच्या नियंत्रण कक्षाला माहिती दिली . त्यानंतर भारती विद्यापीठ पोलिसांनी घटनास्थळी धाव घेतली . त्यावेळी ३० ते ३५ वयातील महिलेचा मृतदेह आढळून आला . डोक्यात मारहाण करण्यात आली आहे . खून करून मृतदेहाची विल्हेवाट लावण्यासाठी पोत्यात घालून येथे टाकला आहे .