राष्ट्रवादी सफाई कामगार सेलच्या महाराष्ट्र उपाध्यक्ष पदी युनुस पठाण यांची नियुक्ती
पिंपरी (वास्तव संघर्ष) पिंपरी चिंचवड शहरातील थेरगाव येथील रहिवाशी असलेले युनुस पठाण यांच्या सामाजिक कार्याची दखल घेऊन त्यांची राष्ट्रवादी काँग्रेसच्या सफाई कामगार सेलच्या महाराष्ट्र उपाध्यक्ष पदी निवड करण्यात आली आहे. ही निवड राष्ट्रवादी सफाई कामगार सेलचे राष्ट्रीय अध्यक्ष गोविंदभाई परमार यांच्या हस्ते करण्यात आली आहे.
युनूस पठाण यांना दिलेल्या नियुक्ती पञात म्हटले आहे की आपणास कळविण्यात आनंद वाटतो कि , पक्षश्रेष्ठींच्या संमतीने सफाई कामगार सेलच्या महाराष्ट्र उपाध्यक्ष ” पदी निवड कण्यात येत आहे . पक्षाची ध्येय , धोरणे व कार्यक्रम राबविताना समाजातील प्रत्येक घटकाला न्याय देवून मुंबईतील धर्मनिरपेक्ष व्यक्तींचा पक्षात समावेश करून पुरोगामी विचारधारांच्या माध्यमातून संघटन मजबुतीसाठी आपण प्रामाणिक प्रयत्न कराल , अशी मी आशा बाळगतो .
राष्ट्रीय अध्यक्ष आदरणीय श्री . शरदचंद्रजी पवार साहेब यांना अभिप्रेत असलेली पक्षसंघटना बांधण्यासाठी आपल्या सर्वांचे सहकार्य अपेक्षित आहे . आपल्या नियुक्तीबद्दल आपले हार्दिक अभिनंदन !
