प्रत्यक्ष गृहभेट घेवून ‘माझे कुटुंब माझी जबाबदारी’ या मोहिमेचा आमदार लक्ष्मण जगताप यांच्या हस्ते प्रारंभ

पिंपरी (वास्तव संघर्ष) : – पिंपरी चिंचवड महानगरपालिका क्षेत्रातील माझे कुटुंब माझी जबाबदारी या मोहिमेचा प्रारंभ आमदार लक्ष्मण जगताप यांच्या हस्ते आज करण्यात आला . सांगवी येथे प्रत्यक्ष गृहभेट घेवून या मोहिमेचा प्रारंभ करण्यात आला . महापौर उषा उर्फ माई ढोरे यांच्या अध्यक्षतेखाली झालेल्या या कार्यक्रमाला उपमहापौर तुषार हिंगे , नगरसेवक संतोष कांबळे , अतिरिक्त आयुक्त संतोष पाटील , अति . आरोग्य वैदयकीय अधिकारी डॉ . पवन साळवे , महिला वैदयकीय अधिकारी डॉ . वर्षा डांगे , सांगवी रुग्णालयाच्या प्रमुख डॉ . विनया आंबेडकर , सहा.आयुक्त अण्णा बोदडे , संदिप खोत , सिनेट सदस्य संतोष ढोरे आदी उपस्थित होते .

कोविड १ ९ नियंत्रणासाठी तसेच मृत्यूदर कमी करण्यासाठी व कोविड मुक्त महाराष्ट्र मोहिमे अंतर्गत माझे कुटुंब माझी जबाबदारी ही मोहिम राबविण्याची सुचना राज्य शासनाने दिली असून त्या अंतर्गत गृहभेटी देवून नागरिकांना आरोग्य शिक्षण व त्यांची आरोग्य तपासणी करण्यात येणार आहे , या मोहिमेला आज पिंपरी चिंचवड शहरात प्रारंभ झाला . त्याचप्रमाणे , ” माझे कुटुंब -माझी जबाबदारी ” या कार्यक्रमाचा प्रभाग क्र . 17 शिवनगरी , बिजलीनगर येथून ही आज शुभारंभ करण्यात आला . या उपक्रमासाठी गृहभेट देवून तपासणी करणाऱ्या तीन सदस्यीय टीम नेमण्यात आल्या असून या टीमद्वारे सत्तारूढ पक्षनेते नामदेव ढाके यांच्या कुटुंबाची तपासणी करून अभियानाची सुरुवात झाली .

” माझे कुटुंब माझी जबाबदारी ” ही मोहीम महापालिकेच्या वतीने राबविण्यात येत आहे . या मोहिमेसाठी नागरिकांनी स्वतः हुन पुढाकार घेऊन प्रतिसाद द्यावा . तसेच , आपल्या बरोबरच आपल्या कुटुंबांची तपासणी करून महापालिकेच्या टीम ला सहकार्य करावे , असे आवाहन सत्तारूढ पक्षनेते नामदेव ढाके यांनी नागरिकांना केले .

या कार्यक्रमावेळी , महापौर उषा उर्फ माई ढोरे , ब प्रभाग अध्यक्षा करुणाताई चिंचवडे , नगरसेवक राजेंद्र गावडे , बाळासाहेब ओव्हाळ , सुरेश भोईर , मोरेश्वर शेडगे , स्वीकृत सदस्य बिभीषण चौधरी , अतिरिक्त आयुक्त संतोष पाटील , सहाय्यक आयुक्त अण्णा बोदडे , प्रशांत जोशी , डॉ . सुनील जॉन , डॉ . बिनादेवी गंभीर , डॉ . किशोरी नलावडे , डॉ . प्रियांका सर्वज्ञ , आदेश नवले , योगेश चिंचवडे , प्रमोद चौधरी , शंकर पाटील , प्रदीप पटेल , कैलास रोटे , वसंत नारखेडे , संजय माळी आदी उपस्थित होते . तसेच , भोसरी येथे स्थायी समिती सभापती संतोष अण्णा लोंढे यांच्या उपस्थितीत ही मोहिम सुरू करण्यात आली . यावेळी अति . वैदयकीय अधिकारी डॉ . पवन साळवे , ज्येष्ठ वैदयकीय अधिकारी डॉ . शैलेजा भावसार , सहा . आयुक्त बाळासाहेब खांडेकर आदी उपस्थित होते .