निगडीतील ओटास्कीम येथे एकावर गोळीबार;रावण टोळीच्या चार जणांना पोलिसांनी घेतले ताब्यात
पिंपरी ( वास्तव संघर्ष ) : – निगडी परिसरातील ओटास्कीम येथे एका कुख्यात गुन्हेगारावर गोळीबार करण्यात आला .ही घटना बुधवारी ( दि . 25 ) रात्री घडली .
आकाश दोडमने ( ३० , रा . ओटास्कीम , निगडी ) असे गोळीबार करण्यात आलेल्या नाव आहे. तर आकाशचा भाऊ रवी याला दगडाने आणि दांडक्याने मारहाण करुन जखमी केले आहे .
पोलिसांनी दिलेल्या माहितीनुसार , आकाश आणि रावण टोळीतील मधील किरण खवले या दोघात मारामारी झाली होती . तेव्हापासून दोघांमध्ये वाद सुरु होते . याच वादातून बुधवारी रात्री सव्वा आकराच्या सुमारास ओटास्कीम बिल्डींग ३ व ४ समोर हा प्रकार घडला . किरण खवले हा त्याचे सहा , सात साथीदारांसह हत्यारे घेऊन तेथे आला . यावेळी झालेल्या वादातून आकाश याच्या पायावर गोळीबार करण्यात आला आहे . घटनेची माहिती मिळताच निगडी पोलीस तत्काळ घटनास्थळी दाखल झाले . यातील संशयित चार जणांना ताब्यात घेतले आहे .अधिक तपास निगडी पोलीस करीत आहेत.
