पिंपरी चिंचवड पालिकेचे उपमहापौर केशव घोळवे यांचा तडकाफडकी राजीनामा
पिंपरी (वास्तव संघर्ष) पिंपरी चिंचवड महानगरपालिकेचे उपमहापौर केशव घोळवे यांनी तडकाफडकी राजीनामा दिला आहे . घोळवे यांनी महापौर उषा ढोरे यांच्याकडे ( शुक्रवारी ) उपमहापौर पदाचा राजीनामा दिला असून महापौरांनी तो मंजूर करत आयुक्तांकडे पाठविला आहे . व्यक्तिगत कारणावरून राजीनामा दिला आहे असे घोळवे यांनी सांगितले.
सत्ताधारी भाजपने 14 ऑक्टोबर 2020 रोजी तुषार हिंगे यांचा देखील असाच तडकाफडकी उपमहापौरपदाचा राजीनामा घेतला होता . त्यांच्याजागी मोरवाडीचेच प्रतिनिधीत्व करणारे केशव घोळवे यांची 6 नोव्हेंबर 2020 रोजी उपमहापौरपदी निवड केली होती .
वास्तव संघर्षला माहीती देताना महापौर उषा ढोरे म्हणाल्या उपमहापौर पदाचा केशव घोळवे यांनी राजीनामा दिला आहे . तो राजीनामा मी मंजूर केला असून आयुक्तांकडे पाठविला आहे.
