महिलेकडे पाहून चालू रिक्षामध्ये ‘हस्तमैथुन ‘ ;आरोपीला पिंपरी पोलिसांनी केली अटक
पिंपरी (वास्तव संघर्ष) :पिंपरीतील मोरवाडी रिक्षातून वायसीएम रुग्णालयात आपल्या मुलाला उपचारासाठी घेऊन जाणाऱ्या महिलेकडे बघत हस्तमैथुन करणाऱ्या एकाला पिंपरी पोलीसांनी अटक केली आहे. ही घटना शनिवारी दुपारी दोन वाजताच्या सुमारास घडली आहे.
याबाबत पिडीत महिलेने पिंपरी पोलीस ठाण्यात फिर्याद दिली आहे.
सोहेब इक्बाल कुरेशी (वय ३० वर्षे , रा.नेहरुनगर विठ्ठलनगर पिंपरी) असे गुन्हा दाखल केलेल्या आणि अटक करण्यात आलेल्या आरोपीचे नाव आहे.
पोलिसांनी दिलेल्या माहितीनुसार, शनिवारी दुपारी दोन वाजताच्या सुमारास फिर्यादी महिला या शेअरींग रिक्षातून त्यांच्या लहान मुलाला उपचारासाठी वाय.सी.एम हॉस्पीटल येथे घेवुन जात होत्या. मोरवाडी येथून रिक्षात बसलेला आरोपी सोहेब इक्बाल कुरेशी यांने रिक्षातील आरशातून फिर्यादी महिलेकडे पहात लिंग बाहेर काढुन हस्तमैथुन करत असभ्य व किळसावणे कृत्य करुन फिर्यादी महिला याच्या मनास लज्जा उत्पन्न होईल असे वर्तन केले. हा प्रकार समजताच महिलेने पिंपरी पोलीस ठाण्यात धाव घेऊन फिर्याद दिली आहे .त्यानुसार आरोपी सोहेब याला पोलिसांनी अटक केली आहे. अधिक तपास पिंपरी पोलीस करत आहेत.
