काळ्या रंगाची असल्याने विवाहीतेचा शारीरिक व मानसिक छळ ;चार जणांविरुद्ध पिंपरी पोलीस ठाण्यात गुन्हा दाखल
पिंपरी (वास्तव संघर्ष) : काळ्या रंगाची असल्याने एका विवाहीतेचा शारीरिक व मानसिक छळ करण्यात आला आहे. तू काळी आहेस , आमच्या घरात शोभत नाहीस ‘ असे म्हणून या विवाहीतेला सासरच्या मंडळींनी अपमानास्पद वागणूक दिली आहे. ही घटना 13 ऑगस्ट 2020 ते 8 एप्रिल 2021 दरम्यान घडली आहे .
पिडित महिलेने शुक्रवारी ( दि .09 ) पिंपरी पोलीस ठाण्यात याबाबत फिर्याद दिली आहे .
त्यानुसार रवि अशोक दयालानी ( वय 35 ) , मिना दयालानी ( वय 46 ) , कोमल अशोक दयालानी ( वय 24 ) व पुनम अशोक दयालानी ( वय 32 ) ( सर्व रा . गांधी नगर , कोल्हापूर )या आरोपी विरोधात पिंपरी पोलीस गुन्हा दाखल करण्यात आला आहे .
पोलिसांनी दिलेल्या माहितीनुसार , 13 ऑगस्ट 2020 ते 8 एप्रिल 2021 दरम्यान आरोपींनी पिडीत फिर्यादी महिलेचा ‘ तू काळी आहेस , आमच्या घरात शोभत नाहीस ‘ असे म्हणून शारीरिक व मानसिक छळ आर्थीक छळवणुक केली आहे . अधिक तपास पिंपरी पोलीस करत आहेत.
