रस्त्याने जाताना भावानेच केला बहिणीवर प्राणघातक हल्ला ;पिंपरी पोलीस ठाण्यात गुन्हा दाखल
पिंपरी (वास्तव संघर्ष) : पिंपरीतील लिंकरोड येथील रमाबाईनगर रोडवर बाहेर फिरण्यास गेलेल्या आपल्या बहिणीवर भावानेच प्राणघातक हल्ला केला आहे. ही घटना शुक्रवारी (दि.30) राञी साडेनऊ वाजण्याच्या सुमारास घडली आहे.याबाबत पिंपरी पोलीस ठाण्यात गुन्हा दाखल करण्यात आला आहे.
संगिता हुसनप्पा चलवादी( वय २५ वर्षे रा . रमाबाईनगर लिंक रोड पिंपरी) यांनी याप्रकरणी पिंपरी पोलीस फिर्याद दिली
सतिश हुसनप्पा चलवादी( वय-31वर्षे रा . रमाबाईनगर लिंक रोड पिपंरी) असे गुन्हा दाखल झालेल्या आरोपीचे नाव आहे.
पोलिसांनी दिलेल्या माहितीनुसार, यातील आरोपी सतिश चलवादी याने फिर्यादी संगिता चलवादी यांच्याशी दुपारी भांडण केल्याचा राग मनात धरुन शुक्रवारी रात्री साडेनऊच्या सुमारास फिर्यादी संगिता चलवादी हे जेवण करुन शतपावली करण्यासाठी घराच्या बाहेर रोडवर आले असता फिर्यादी संगिता हीचा भाऊ सतिश हुसनप्पा चलवादी हा दारु पिऊन येऊन रस्त्यालगत पडलेला लाकडी बांबु फिर्यादी संगिता यांच्या डोक्यात मारून प्राणघातक हल्ला करत वाईट वाईट शिवीगाळ करुन जखमी केले. अधिक तपास पिंपरी पोलीस करत आहेत.
