‘जो आमच्या नादी लागेल त्याला मारुन टाकू’ असे म्हणत घरकुल परीसरात गुंडाची दहशत
चिखली (वास्तव संघर्ष) :चिखलीतील घरकुल परीसरात पुन्हा एकदा गुंडाची दहशत पाहायला मिळाली आहे. जो आमच्या नादी लागेल त्याला मारुन टाकू अशी धमकी देऊन परिसरात टोळक्याने धुडगूस घातला आहे. ही घटना शनिवारी रात्री आठच्या सुमारास निसर्ग हौसींग सोसायटी घरकुल चिखली येथील पार्किग मध्ये घडली आहे.
आकाश ऊर्फ सिध्दार्थ बालाजी गायकवाड ( वय-28, रा. निसर्ग हौसींग सोसायटी , घरकुल , चिखली) यांनी चिखली पोलीस ठाण्यात फिर्याद दिली आहे.
त्यानुसार अतुल निसर्गंध, मन्या कोरी, चंदया ऊर्फ महेश चंदनशिवे, अतुल निसर्गंध चा लहान भाऊ, त्यांचे सोबत असलेले इतर दोन साथीदार (नाव पत्ता माहित नाही)असे गुन्हा दाखल झालेल्या आरोपींची नावे आहेत.
पोलिसांनी दिलेल्या माहितीनुसार,शनिवारी रात्री आठच्या सुमारास यातील आरोपी अतुल निसर्गंध, मन्या कोरी, चंदया ऊर्फ महेश यांनी हातातील कोयत्याने गाड्यांची तोडतोड केली. त्यांच्या सोबत असलेले त्यांचे साथीदार यांनी रस्यावर पडलेले सिमेंन्टचे गट्टू फेकुन फिर्यादी आकाश ऊर्फ सिध्दार्थ राहत असलेल्या बिल्डींग मधिल लोकांनी बिल्डिंगच्या खाली पार्क केलेल्या मोटारसायकल व फोर व्हिलर गाडयांवर दगडफेक करत गाड्यांचे नुकसान केले . तसेच त्यांचे बिल्डिंग मधील लोक खाली आल्यावर त्यांच्या दिशेने सिमेंन्टचे गट्टू फेकले. तेव्हा लोंकांना पाहुन आरडा ओरडाकरुन शिवीगाळी करत जो आमच्या नादी लागेल त्याला मारुन टाकु अशी धमकी देत परिसरात दहशत निर्माण केली. अधिक तपास चिखली पोलीस करीत आहेत.
