निगडीतील ओटास्कीम येथे एकाचा खून;चार आरोपींना पोलिसांनी केली अटक
निगडीतील ओटास्कीम येथे एकाचा खून;चार आरोपींना पोलिसांनी केली अटकनिगडी (वास्तव संघर्ष) :निगडीतील ओटास्कीम येथे एकाचा खून झाला आहे . ही घटना सोमवारी ( दि . 20 ) मध्यरात्री घडली . भांडण सोडविल्याच्या कारणावरून हा प्रकार घडला असून याप्रकरणी पोलिसांनी चार जणांना अटक केली आहे .
संपत भीमराव गायकवाड ( वय 45 , रा . अण्णाभाऊ साठे वसाहत चाळ , ओटास्कीम , निगडी ) असे खून झालेल्या व्यक्तीचे नाव आहे .
वैभव उर्फ बोचू संतोष अडागळे , युवराव संतोष अडागळे , ओमकार बाळू अडागळे , चेतन बाळू अडागळे , संतोष अडागळे ( सर्व रा.अण्णाभाऊ साठेनगर चाळ नंबर दोन , ओटास्कीम , निगडी ) असे गुन्हा दाखल झालेल्या आरोपींची नावे आहेत.
पोलिसांनी दिलेल्या माहितीनुसार , मयत संपत गायकवाड यांनी आरोपी आणि इतर मुलांचे भांडण सोडवले होते. त्याच कारणावरून आरोपींनी गायकवाड यांच्या घरावर दगड मारले असता गायकवाड यांनी आरोपींच्या घरासमोर जाऊन ‘ तुम्ही आमच्या घरावर दगड का मारले ‘ असा जाब विचारला . या कारणावरून आरोपी वैभव याने सिमेंटच्या गट्टने गायकवाड यांच्या कपाळावर जोरात प्रहार केला तर अन्य आरोपींनी लाथाबुक्क्यांनी मारहाण करून गायकवाड यांना ठार मारले . दरम्यान , आरोपी संतोष याने गायकवाड यांचे जमिनीवर पडलेले रक्त पाणी टाकून धुवून पुरावा नष्ट केला . वैभव उर्फ बोचू संतोष अडागळे , युवराव संतोष अडागळे , ओमकार बाळू अडागळे , चेतन बाळू अडागळे या चौघांना पोलिसांनी अटक केली असून याप्रकरणी पोलीस उपनिरीक्षक प्रकाश लोखंडे तपास करीत आहेत .
