मोबाईलमध्ये शुटिंग काढल्यामुळे एकाला लोंखडी रॉडने जीवे मारण्याचा प्रयत्न

चिखली (वास्तव संघर्ष) :मोबाईलमध्ये शुटिंग काढल्यामुळे एकाला लोंखडी रॉडने पाच ते सहा जणांनी जीवे मारण्याचा प्रयत्न केला आहे. ही घटना शनिवारी (दि.11) रोजी रात्री सव्वा अकराच्या सुमारास  आंबेडकर भवन समोर देहु आंळदी रोडवर  चिखली येथे घडली आहे.

रोहीत श्रावण शिंदे (वय-21, रा. ज्ञानदिप शाळेचे मागे श्रीराम कॉलनी रुपीनगर, तळवडे) असे जखमी तरुणांचे नाव असून त्यांनी चिखली पोलीस ठाण्यात फिर्याद दिली आहे.

शुभम ,बारक्या , आंब्या ,  नौशाद अकबर अली शाह (वय-20, रा. महादेवनगर लोंढे बस्ती चिखली) त्याचे दोन  साथीदार यांचेसह चिखली पोलीस ठाण्यात गुन्हा दाखल करण्यात आला आहे.

पोलिसांनी दिलेल्या माहितीनुसार,फिर्यादी रोहीत व फिर्यादी यांचा मित्र बिभिषन बंडगर असे दोघेजण पेट्रोल भरण्यासाठी जात असताना आंबेडकर भवन समोर देहु – आंळदी रोडवर चिखली पुणे येथे आले असता, तेथे देहुगांवकडे जाणा-या रोडवर चार ते पाच मुले एका कंटेनरला रस्त्याच्या मधोमध अडवून ड्रायव्हर सोबत हुज्जत घालत होते.फिर्यादी रोहीत यांनी त्यांच्या मोबाईलमध्ये शुटिग करीत होते . त्यावेळी त्या मुलापैकी एकाने फिर्यादी रोहीत यांच्याकडे पाहुन शुभम , बारक्या ,  आंब्या , बघा तो मुलगा शुटिंग काढत आहे. असे म्हणुन जवळ येवुन त्यांचा मोबाईल हिसकवण्याचा प्रयत्न करुन  लाथाबुक्क्याने मारहाण केली तसेच  खिश्यातील रोख रक्कम 1800 रुपये जबरदस्तीने काढून घेतले . त्यांनतर फिर्यादी रोहीत हे पळुन जात असताना त्यांनी त्यांचा पाठलाग करुन त्यांना पकडले व त्यातील लांब केस असलेल्या मुलाने लोंखडी रॉडने फिर्यादीच्या डाव्या पायाचे नडगीवर मारुन गंभीर जखमी केले व त्यांचे साथीदाराने लाथाबुक्क्याने मारहाण करुन याला सोडु नको अशी धमकी दिली. अधिक तपास चिखली पोलीस ठाण्याचे पोलीस उपनिरीक्षक एस. देशमुख करित आहेत.