निगडीतील ओटास्किम येथे वाहनांची तोडफोड करून टोळक्यांचा राडा

निगडी(वास्तव संघर्ष) : पिंपरी चिंचवडमधील निगडीतील वाहनांची तोडफोड करीत दहा ते बारा टोळक्याने केल्याचा प्रकार उघडकीस आला आहे . हा प्रकार रविवारी (दि.20) रोजी समर्थ हौसिंग सोसायटी ओटास्कीम निगडी येथे घडला आहे.

राधाकिशन अच्युत खरात (वय-31 वर्ष , रा. बिल्डींग  समर्थ हौसिंग सोसायटी ओटास्कीम निगडी) यांनी याप्रकरणी निगडी पोलीस ठाण्यात फिर्याद दिली आहे.

आदर्श ऊर्फ छोटया अशोक मगर, जाकिर ऊर्फ डॅनी पठान ,विशाल ऊर्फ ठेंगळया खरात विशाल ऊर्फ विठ्ठल पायाळ, सचिन गुलाब ऊर्फ जाधव, धनंजय ऊर्फ बबलु रणदिवे, सोन्या ऊर्फ भाव्या किशोर बाविस्कर , तात्याचा मुलगा बज्या , ऋतीक सकट, करण डोंगरे (सर्व रा. ओटास्किम निगडी, पुणे) व त्याचे 3 अज्ञात साथीदार या आरोपींविरुद्ध निगडी पोलीस ठाण्यात गुन्हा दाखल करण्यात आला आहे.

पोलिसांनी दिलेल्या माहितीनुसार, ओटास्किम येथील समर्थ नगर हौसिंग सोसायटी येथे 10 ते 12 टोळक्यांनी संगणमत करून हातामध्ये लोखंडी कोयता, लोखंडी तलवार, लाकडी दांडके व दगड घेवुन   फिर्यादी राधाकिशन व अन्य साक्षीदार यांच्या वाहनांची तोडफोड करून परिसरात दहशत निर्माण केली. यामध्ये त्यांचे अंदाजे दिड लाख रुपयांचे नुकसान करुन झाले आहे. फिर्यादी राधाकिशन हे समजावून सांगण्यास गेले असता त्यांना  शिवीगाळ करुन आरोपी आदर्श ऊर्फ छोटया याने कोयत्याचा धाक दाखवुन फिर्यादीच्या पॅन्टच्या खिश्यातील रोख पाच हजार सहाशे रुपये जबरदस्तीने हिसकावुन काढुन घेवुन निघुन गेले. याबाबत सर्व आरोपी फरार असून अधिक तपास निगडी पोलीस ठाण्याचे पोलीस निरीक्षक शंकर डामसे करित आहेत.