नेहरूनगरमध्ये गुडांची दहशत ;महिलेच्या हातावर केला कोयत्याने वार

पिंपरी (वास्तव संघर्ष) : पिंपरीतील नेहरूनगरमधील विठ्ठलनगर परिसरात हवेत कोयता फिरवत दहशत माजविण्याचा प्रयत्न करण्यात आला आहे.यात काहीजण जखमी झाली असून या प्रकरणी परस्परविरोधी गुन्हा दाखल करण्यात आला आहे.  ही घटना शनिवारी (दि.06) रात्री सव्वा नऊ वाजता घडली.

दिलीप कस्तूर देहाडे (वय-47 रा. निवारा हौस. सोसायटी विठ्ठलनगर नेहनगर पिंपरी) यांनी याप्रकरणी पिंपरी पोलीस ठाण्यात फिर्याद दिली आहे.

यश विकास मांढरे दोन अल्पवयीन मुलांवर तसेच पाच ते सहा अनोळखी आरोपींवर गुन्हा दाखल करण्यात आला आहे.

तर यश यांनी दिलेल्या फिर्यादीवरून, प्रेम सूर्यवंशी उर्फ बंडल्या (वय-19 रा. विठ्ठलनगर नेहनगर पिंपरी ) साहिल सूर्यवंशी (वय-19 रा. सदर ) अमन हौसराव शिंदे( वय-25 ) महिला आरोपी, सुजित ( पूर्ण नाव माहित नाही ), अजित बिराजदार ( पूर्ण नाव माहित नाही), पंकज ओव्हाळ ( पूर्ण नाव माहित नाही ) अनोळखी चार आरोपींवर गुन्हा दाखल करण्यात आला आहे.

पोलिसांनी दिलेल्या माहितीनुसार, फिर्यादी दिलीप घरात असताना 10 ते 12 मुले फिर्यादी यांच्या बिल्डींगच्या खाली आली. त्यांच्या हातात कोयते होते. ते सदर परिसरात गोंधळ घालत होते तसेच हवेत कोयते फिरवत दहशत माजविण्याचा प्रयत्न करत होते . त्यांना घाबरून परिसरात घबराटीचे वातावरण तयार झाले व त्यांना घाबरून खाली असलेले लोक सैरावैरा इकडे तिकडे धावू लागली . त्यांनी अचानक फिर्यादी दिलीप यांच्या बिल्डींगच्या खाली पार्क केलेल्या गाड्यांचे त्यांच्याकडे असलेल्या कोयत्याच्या सहाय्याने नुकसान करण्यास सुरवात केली. आम्ही लगेच खाली आलो तर ती मुले पळून गेली परंतु त्यातील एका मुलाला पळून जाताना परिसरातील लोकांनी पकडले.

तर यश मांढरे यांनी दिलेल्या फिर्यादीत म्हटले आहे की,आरोपींनी फिर्यादी यांच्या घराजवळ गोंधळ घातला व दगड फेक केली म्हणून फिर्यादीने त्यांना जाब विचारण्यास गेले असता आरोपींनी फिर्यादीस काहीच न विचारता थेट त्यांच्यासोबत शिवीगाळ करून भांडायला सुरवात केली व त्याचवेळी त्यांच्यापैकी कोणीतरी फिर्यादीच्या डोक्यात धारदार वस्तू मारून फिर्यादीस गंभीर जखमी केले त्याचदरम्यान त्या ठिकाणी उभे असलेल्या सदर परीसरात राहणा-या अश्विनी बाळू सांडभोर यांना सुद्धा काहीएक कारण नसताना आरोपींनी त्यांच्या हातावर उलटा कोयता मारुन त्यांचा हाताला फ्रॅक्चर करून त्यांना जखमी केले तसेच फिर्यादी यांचा भाऊ समीर विकास मांढरे यालासुद्धा त्यांनी डोक्याच्या मागील बाजूस कोयता मारून गंभीर जखमी केले आहे.अधिक तपास पिंपरी पोलीस करीत आहेत.