त्याने तर थेट फोडली पोलिसाच्या डोक्यातच दारूची बाॅटल

पिंपरी (वास्तव संघर्ष) : काळेवाडीतील एम एम चौकात वाहतुकीचे नियमन करत असलेल्या पोलिसाला एका तरुणाने ट्राफिक का जाम झाली आहे ,लवकर मोकळी करा असे म्हणून डोक्यात दारूची बाॅटल मारून बेदम मारहाण केली आहे. ही घटना शनिवारी ( दि.15 ) सायंकाळी घडली .पोलिसांनी आरोपी तरुणाला अटक केली आहे .

रमेश जाधव असे जखमी पोलीस शिपाईचे नाव असून त्यांनी वाकड पोलीस ठाण्यात फिर्याद दिली आहे.

वैभव बबन गायकवाड ( वय 19,रा.काळेवाडी ) असे अटक केलेल्या आरोपीचे नाव आहे.

पोलिसांनी दिलेल्या माहितीनुसार , फिर्यादी रमेश जाधव हे सांगवी वाहतूक विभागात नेमणुकीस आहेत.शनिवारी सायंकाळी आठ वाजताच्या सुमारास ते काळेवाडी येथील एम एम चौकात वाहतुकीचे नियमन करत होते. आरोपी चालत येत असलेल्या रस्त्यावरील वाहतूक बंद केली. त्या कारणावरून वैभव गायकवाड याने पोलीस शिपाई जाधव यांना लाथाबुक्क्याने मारहाण करून शिवीगाळ केली तसेच त्यांच्या खिशात ठेवलेली काचेची बियरची बाटली काढून जाधव यांना मारली.यात ते गंभीर जखमी झाले.आरोपीला पोलिसांनी अटक केली असून वाकड पोलीस अधिकतपास करीत आहेत.