पिंपरीतील ‘त्या’ पोलीसाची एकाने फाडली वर्दी

पिंपरी(वास्तव संघर्ष) : कर्तव्यावर असणार्‍या पोलिसासोबत शिवीगाळ करून त्यांची कॉलर पकडुन धक्काबुक्की करत शासकिय गणवेश फाडण्यात आला आहे. ही घटना शनिवारी (दि.22) रोजी रात्री 9.45 वाजता कराची चौक पिंपरी येथे घडली आहे.

सहा.पोलीस उपनिरीक्षक राजु तानाजी चौधरी यांनी पिंपरी पोलीस ठाण्यात फिर्याद दिली आहे.

मनोज सतिष वाघमारे (वय-31 रा. आकाश गंगा सोसायटीचे बाजुला बोद्ध विहाराचे समोर,संजय गांधीनगर पिंपरी) असे अटक करण्यात आलेल्या आरोपीचे नाव आहे.

पोलीसांनी दिलेल्या माहितीनुसार,फिर्यादी हे त्यांचे स्टाप सह वाहतुक नियमनाचे काम करत असताना आरोपी मनोज याने फिर्यादी यांना उद्देशन अश्लिल शिवीगाळ करत असेच दिवसभर उभे राहतात असे म्हटले.त्यावर फिर्यादी यांनी आरोपी मनोजला समजावून खुप गर्दी आहे तु पुढुन जा असे सांगीतले असता त्याला त्याचा राग आल्याने त्याने फिर्यादी यांना शिवीगाळ करून त्यांची कॉलर पकडुन धक्काबुक्की करुन शासकिय गणवेश फाडुन शासकिय कर्तव्यात अडथळा निर्माण केला आहे. आरोपीला पोलीसांनी अटक केली असून पिंपरी पोलीस अधिक तपास करीत आहेत.