इंस्टाग्रामवरील रिल्सस्टारला पोलिसांनी केली अटक

वाकड (वास्तव संघर्ष): इंस्टाग्राम या सोशलमीडिया फ्लॅटफॉर्मवर व्हिडिओ काढून धमकी देणे तसेच समाजविघातक कृत्ये करून दहशत वाढवणा-या आरोपींवर पिंपरी चिंचवड पोलीसांची करडी नजर आहे. हातात कोयता घेऊन रिल करणे एका रिल्सस्टारला चांगलेच महागात पडले असून त्यांची रवानगी पोलिसांनी जेलमध्ये केली आहे. ही कारवाई रविवारी ( दि.13) गुजरनगर थेरगाव येथे करण्यात आली.

पोलीस हवालदार चंद्रकांत गवारी यांनी वाकड पोलीस ठाण्यात फिर्याद दिली आहे.

शुभम अभिमान जाधव ( वय 21,रा. गुजरनगर थेरगाव ) असे अटक केलेल्या रिल्सस्टारचे नाव आहे.

पोलिसांनी दिलेल्या माहितीनुसार,आरोपी शुभम याने हातात कोयता घेऊन एक व्हिडिओ तयार केला तो व्हिडिओ त्याने इंस्टाग्रामवर पोस्ट केला. माहिती मिळतात शस्त्र विरोधी पथकाने त्याला रविवारी दुपारी दोन वाजताच्या सुमारास अटक होती अटक केल्यानंतर न्यायालयाने त्याची जेलमध्ये रवानगी केली आहे. अधिक तपास पोलीस उपनिरीक्षक शिंगारे करीत आहेत.