अंदाधुंदी फायरिंग करणा-या आरोपींना पोलिसांनी केली अटक

पिंपरी (वास्तव संघर्ष) : पिंपरी चिंचवडमधील काही दिवसांपूर्वी रामनगर येथे गोळीबार झाल्याची घटना ताजी असतानाच आता शहरात वेगवेगळ्या तीन ठिकाणी गोळीबाराची घटना घडली आहे. सहा ते सात गोळ्या बंदुकीतून फायरिंग झाला आहेत. मंगळवारी (दि.6)रोजी सायंकाळच्या सुमारास ही घटना घडली होती. गोळीबार करणाऱ्या आरोपींना पोलिसांनी पाच तासांच्या आत अटक केली आहे.

शाहरुख शहनवाज शेख,फारुख शहानवाज शेख, सोएव शेख असे अटक करण्यात आलेल्या आरोपींची नावे आहेत.

पोलिसांनी दिलेल्या माहितीनुसार, पिंपरी- चिंचवड शहरातील मध्यवर्ती असलेले ठिकाण पिंपरी भाट नगर , लिंक रोड पत्राशेड आणि चिंचवड पोलीस ठाण्याच्या हद्दीत चार अज्ञात व्यक्तींनी मद्यधुंद अवस्थेत हवेत गोळीबार केला होता.घटनेचे गांभीर्य ओळखून पोलीस आयुक्त अंकुश शिंदे यांनी लागलीच घटनास्थळी भेट देवून अधिकारी व अंमलदार यांची पथके तयार करून आरोपींना तात्काळ अटक करणेबाबत सुचना दिल्या . त्या अनुषंगाने पथकातील अधिकारी व अंमलदार यांनी आरोपींना पाच तासाच्या आत अटक केली आहे.