सिनेसृष्टीत शोककळा: ‘तेरे नाम’ चित्रपटाच्या दिग्दर्शकाचे निधन

मुंबई (वास्तव संघर्ष) :चित्रपट दिग्दर्शक आणि अभिनेते सतीश कौशिक यांचे आज वयाच्या 66 वर्षी निधन झालं आहे. दिल्लीत असताना हृदयविकाराचा झटका आल्याने त्यांचे निधन झालं. सतीश कौशिक यांनी अनेक हिंदी चित्रपटांमध्ये काम केलं आहे. ज्येष्ठ अभिनेते अनुपम खेर यांनी सतीश कौशिक यांच्या निधनाची माहिती दिली.

अभिनेता गोविंदा सोबत असणारी मामा भांजे जोडी, मिस्टर इंडिया कॅलेंडर ची भूमिका, बडे मिया छोटे मिया, मिस्टर अँड मिसेस खिलाडी, स्वर्ग मध्ये गोविंदाला मदत करणारा अशा भूमिका त्यांनी लिलया केल्या. तसेच त्यांनी दिग्दर्शित केलेला ‘तेरे नाम’ हा चित्रपट खूप गाजला होता.

दिग्दर्शक सतीश कौशिक दिग्दर्शित सलमान खानच्या ‘तेरे नाम’ या चित्रपटाने त्यावेळी खळबळ उडवून दिली होती. सलमान खानचे राधेचे पात्र आजही लोकांच्या मनात घर करून आहे. खासकरून ‘तेरे नाम’मध्‍ये सलमान खानच्‍या आयकॉनिक हेअर स्‍टाईलची क्रेझ तरुणांमध्ये त्यावेळी दिसून येत होती. राधे मोहन आणि निर्झराची  ही अनोखी प्रेमकहाणी लोकांना खूप आवडली.त्यानंतर कागज या नव्या चित्रपटात सलमान खानला सतीश कौशिक दिग्दर्शक करणार होते मात्र काळाने सतीश कौशिक यांना आपल्यापासून हिरावून घेतले.