पिंपरी चिंचवड पालिकेच्या वतीने जागतिक महिला दिन उत्साहात साजरा

पिंपरी (वास्तव संघर्ष) : महिलांचा सन्मान करून आपण सर्वजण स्त्री शक्तीला प्रेरणा देऊया तसेच महिलांनी देखील आपल्या आरोग्याकडे प्राधान्याने लक्ष द्यावे आणि आरोग्य संपन्न व्हावे असे प्रतिपादन आयुक्त शेखर सिंह यांनी केले.

पिंपरी चिंचवड महानगरपालिकेच्या वतीने भोसरी येथील दिवंगत अंकुशराव लांडगे नाट्यगृह येथे महिलांसाठी विविध भव्य कार्यक्रमांद्वारे जागतिक महिला दिन उत्साहात संपन्न झाला. कामगार कल्याण विभागाच्या वतीने आयोजीत कार्यक्रमाचे उद्घाटन आयुक्त तथा प्रशासक शेखर सिंह यांचे हस्ते पार पडले त्यावेळी ते बोलत होते.

यावेळी सह आयुक्त आशादेवी दुरगुडे, उप आयुक्त रविकिरण घोडके, वैद्यकीय अधिक्षक डॉ. उज्वला आंदुरकर, उप अधिक्षक डॉ. मनिषा सुर्यवंशी, जेष्ठ वैद्यकीय अधिकारी डॉ.तृप्ती सागळे, डॉ.वर्षा घोगरे, डॉ.ऋतुजा लोखंडे. डॉ.विजया आंबेडकर, डॉ.सुजाता गायकवाड, भूलतज्ञ डॉ.अर्चना गांधी, प्रशासन अधिकारी रोहिणी शिंदे, कामगार कल्याण अधिकारी प्रमोद जगताप, क्रिडा अधिकारी अनिता केदारी, संगणक अधिकारी अनिता कोटलवार, कर्मचारी महासंघाचे पदाधिकारी महादेव बोत्रे, अभिमान भोसले, मंगेश कलापुरे, उमेश बांदल, दिगंबर चिंचवडे, शुभांगी चव्हाण,सविता निगडे, हेंड्रिना जॉन, राजश्री गीते आदि उपस्थित होत्या.

महानगरपालिकेतील सखी ग्रुपच्या वतीने जागतिक महिला दिनानिमित्त लकी ड्रॉ चे आयोजन करण्यात आले होते त्यात 150 महिला कर्मचारी सहभागी झाल्या होत्या. त्यामध्ये लकी वुमन या खेळात इ क्षेत्रीय कार्यालयातील मीना सुपे यांचा आयुक्त शेखर सिंह यांच्या हस्ते सत्कार करण्यात आला तर अन्य खेळात मीनल साळुंखे यांना प्रथम, मयुरी पुराणिक यांचा द्वितीय तर सुमेधा नाफाडे यांना तृतीय क्रमांकाचे बक्षिस देण्यात आले. भव्य लकी ड्रॉचे आयोजन सखी ग्रुपच्या पदाधिकारी अनिता बाविस्कर, कविता माने, रतन वारंग, गीता धंगेकर, रूपाली निकम, मनीषा स्वामी, वंदना मोरे, प्रीती बिजवे, विजया कांबळे, मीनाक्षी गरुड, मेघा काटे यांनी केले.

महिला कर्मचाऱ्यांच्या मनोरंजनासाठी मराठी,हिंदी नवीन जून्या गाण्यांच्या भव्य आर्केस्ट्रा के. डी. कड, अभिजित राजे, डॉ. अश्विनी रानडे आणि त्यांच्या सहकाऱ्यांनी सादरीकरण केले. यामध्ये हृदयी वसंत फुलताना, मेरे सपनो की राणी, ये मेरा दिल प्यार का दिवाना, अगंबाई अगंबाई, सैराटमधील गाणी, चंद्रा लावणी, वेड लागले, मला वेड लागले, चोरीचा मामला या गाण्यांचा समावेश होता. त्यास महिला कर्मचाऱ्यांनी उस्फुर्त प्रतिसाद दिला.कार्यक्रमाचे प्रास्ताविक चारुशीला जोशी यांनी केले तर सूत्रसंचालन प्रफुल्ल पुराणिक यांनी केले तसेच कर्मचारी महासंघाच्या सीमा सुकाळे यांनी आभार मानले