पिंपरीत राष्ट्रवादी काँग्रेस पक्षाला खिंडार,माजी विरोधीपक्षनेता करणार वंचीत आघाडीत प्रवेश?
पिंपरी-चिंचवड महापालिकेचे माजी विरोधीपक्षनेते माजी विरोधीपक्ष नेते मच्छिंद्र तापकीर यांनी राष्ट्रवादी काँग्रेसच्या सदस्यांचा राजीनामा दिला आहे.
पिंपरी (वास्तव संघर्ष) चिंचवड महानगरपालिकेतील माजी विरोधी पक्षनेते आणि राष्ट्रवादी काँग्रेसचे नेते मच्छिंद्र तापकीर यांनी राष्ट्रवादी काँग्रेस पक्षाच्या सदस्य पदाचा राजीनामा दिला आहे. काळेवाडी पिंपरी-चिंचवड शहरात तापकीर यांना मानणारा मोठा वर्ग आहे. तसेच त्यांची कार्यकर्त्यांवर मजबूत पकड असणारे मच्छिंद्र तापकीर लवकरच वंचीत बहुजन आघाडीमध्ये प्रवेश करण्याच्या तयारीत आहेत.
याबाबत वास्तव संघर्ष शी बोलताना तापकीर म्हणाले की, गेली दहा वर्षे राष्ट्रवादी काँग्रेस पक्षाला मी आणि माझ्या कार्यकर्त्यांनी संपुर्ण वेळ दिला. माझी कुणावरही नाराजी नसून मी व्यक्तिगत कारणासाठी राजीनामा देत आहे. राष्ट्रवादी काँग्रेसवर माझे सदैव प्रेम असेल. पण मी पक्ष सोडणार आहे असे देखील ते म्हणाले.
दरम्यान, राष्ट्रवादी काँग्रेस नंतर कोणत्या पक्षात जाणार? या प्रश्नाचे उत्तर देताना मच्छिंद्र तापकीर म्हणाले ‘पक्षापेक्षा विचारधारेला मी मानणारा कार्यकर्ता आहे, पुर्वी पासून मी पुरोगामी विचारांना मानणारा कार्यकर्ता आहे . माञ अॅड :प्रकाश आंबेडकर यांच्या वंचित बहुजन आघाडी मध्ये जाण्यास मी इच्छुक आहे. अॅड: प्रकाश आंबेडकर यांनी मला संधी दिल्यास मी त्यांच्यासोबत काम करण्यास इच्छुक आहे.
