महापरिनिर्वाण दिन… पिंपरीत डाॅ. बाबासाहेब आंबेडकर यांना ‘एक वही एक पेन’ अभिवादन

दिपक साबळे..! पिंपरी (वास्तव संघर्ष) पिंपरीतील विश्वरत्न डॉ. बाबासाहेब आंबेडकर पुतळा येथे डाॅ. बाबासाहेब आंबेडकर यांच्या ६४ व्या महापरिनिर्वाण दिनानिमित्त पारंपारिक पध्दतीने हार-तुरे-मेणबत्ती-अगरबत्ती न वाहता त्याऐवजी एक वही एक पेन देऊन वैचारिक अभिवादन करावे असे आवाहन आंबेडकरी युवा संघ आणि फेस आॅफ आंबेडकराईट मूव्हमेंट (फॅम) तर्फे करण्यात आले होते .त्यामुळे शहरातील अनेक भिमअनुयायांनी या उपक्रमाला भरघोस प्रतिसाद दिला. अनेकांनी ‘एक वही एक पेन’ दान करून यशस्वी मुलांचे भविष्यात घडणाऱ्या तरुणांना नवीन उर्जाच यानिमित्ताने दिली आहे.

या उपक्रमात शिल्पकार नरवाडे , मिलिंद दामोदरे , शशिकांत कांबळे , आकाश धनवीज, गौरव जाधव , करण कसबे , तेजस गंगावणे , सिद्धार्थ लांडगे , रोशन जोंधळे, अशोक कांबळे आदी कार्यकर्त्यांनी मोलाचे योगदान देत लोकांना जागृत करण्याचे काम देखील यावेळी त्यांनी केले

डाॅ. बाबासाहेब आंबेडकर यांनी दिलेला ‘शिका’ हा क्रांतिकारी संदेश प्रत्यक्षात उतरवण्याचा संकल्प आम्ही केला आहे असे कार्यकर्ते म्हणाले . एक वही एक पेन अभियान दि. ६ डिसेंबर, २०१९ रोजी सकाळी ७:३० पासून विश्वरत्न डाॅ. बाबासाहेब आंबेडकर पुतळा पिंपरी येथे संपन्न झाला.