बुलेट गाडी घेण्यासाठी माहेरकडून पैसे आणण्याची मागणी करत विवाहितेचा छळ

पिंपरी (वास्तव संघर्ष) बुलेट गाडी घेण्यासाठी माहेरकडून पैसे आणण्यासाठी चिखलीतील एका विवाहीतेचा छळ केला आहे. तीला सासरच्यांकडून जीवे मारण्याची धमकी दिल्याप्रकरणी २१ वर्षीय महिलेने चिखली पोलीस ठाण्यात फिर्याद दिली आहे. त्यानुसार सासरच्या पाच जणांवर गुन्हा दाखल करण्यात आला आहे .

याप्रकरणी पती कौशल सुभेदार जैसवाल , सासू विमला सुभेदार जैसवाल , सासरे सुभेदार महादेव जैसवाल , दीर राहुल सुभेदार जैसवाल , नणंद काजल सुभेदार जैसवाल ( सर्व रा . चिखली ) अशी गुन्हा दाखल झालेल्यांची नावे आहेत .

पोलिसांनी दिलेल्या माहितीनुसार , हा प्रकार १७ मे २०१९ ते ४ ऑक्टोबर २०१९ या कालावधीत घडला . आरोपींनी संगनमत करून फिर्यादी महिलेला घरातील कामे करत नसल्याच्या कारणावरून ‘ तू तुझ्या आई – वडिलांकडे निघून जा . जर गेली नाहीस तर तुला उद्याचा दिवस दिसणार नाही ‘ अशी धमकी दिली . तसेच घर आणि बुलेट गाडी घेण्यासाठी पाच लाख रुपये आणण्याची मागणी देखील करत तिचा शारीरिक व मानसिक छळ केला . चिखली पोलीस तपास करीत आहेत .