शेतातील देवाची पुजा करून शेतकऱ्यांने केली आत्महत्या

पिंपरी (वास्तव संघर्ष) : शेतातील देवाची पुजा करून तसेच देवाची गाणी लावून एकाने गळफास घेतला . ही घटना मोशी येथे गुरुवारी ( दि .३० ) सकाळी घडली . संदीप चिनकु आल्हाट ( वय ४३, रा . जुना आळंदी रोड , आल्हाट वस्ती , मोशी ) असे गळफास घेतलेल्या व्यक्तीचे नाव आहे . मिळालेल्या माहितीनुसार ,मयत संदीप हे सकाळी आठ वाजताच्या सुमारास घरातून शेतात जाण्यासाठी निघाले . शेतात जाऊन त्यांनी मुंजोबा देवाची पुजा केली .

त्यानंतर मोबाईलवर देवाची गाणी लावत जवळच असलेल्या झाडाला गळफास घेतला . सकाळी दहा वाजताच्या सुमारास संदीप यांचा भाऊ शेतात गेला असता हा प्रकार उघडकीस आला . आत्महत्येचे कारण अद्याप समजू शकले नाही . मयत संदीप यांच्या मागे आई , वडिल , पत्नी , दोन मुली व एक मुलगा असा परिवार आहे .