पिंपरीत माता रमाई भीमराव आंबेडकर यांची जयंती साजरी
पिंपरी (वास्तव संघर्ष) माता रमाई भीमराव आंबेडकर यांच्या १२२ व्या जयंतीनिमित्त पिंपरी भिमसृष्टी याठिकाणी आयोजित अभिवादन कार्यक्रमात माता रमाई यांच्या प्रतिमेला पिंपरी चिंचवड महानगर पालिकेचे सहाय्यक आयुक्त अण्णा बोदडे यांच्या हस्ते पुष्पहार अर्पण करण्यात आला. याप्रसंगी जेष्ठ विचारवंत मानव कांबळे यांचे व्याख्यान आयोजित करण्यात आले होते.
यावेळी बोलताना मानव कांबळे म्हणाले की, राष्ट्रनिर्माते डॉ. बाबासाहेब आंबेडकर यांच्या जडणघडणीमध्ये व कार्यात रमाई यांचा त्याग व परिश्रम यांचे विस्मरण होता कामा नये. माता रमाई यांनी हलाखाची परिस्थिती असताना देखील काबाडकष्ट करून बाबासाहेबांना खंबीर साथ दिली.
कार्यक्रमादरम्यान माजी नगरसेवक मारूती भापकर, बौध्द समाज विकास महासंघाचे अध्यक्ष शरद जाधव, वंचीत आघाडीचे युवकाध्यक्ष गुलाब पानपाटील सम्यक विद्यार्थी आंदोलनाचे संतोष जोगदंड, लोकजनशक्ती पार्टीचे धुरांजी शिंदे,ओबीसी संघर्ष समितीचे अध्यक्ष आनंदा कुदळे,रयत विद्यार्थी विचार मंचचे धम्मराज साळवे, अंजना गायकवाड, सुरेश गायकवाड, शिवशंकर उबाळे, फुलचंद जोगदंड, नितीन कसबे,प्रकाश बुक्तर, चित आघाडीचे राजेश साळवे यांनी मनोगत व्यक्त केले. कार्यक्रमाचे सूत्रसंचलन गिरीष वाघमारे यांनी केले.
