फेसबुकवर महापुरुष व देवतांचे आक्षेपार्ह फोटो; अकरा जणांवर पिंपरी पोलीस ठाण्यात गुन्हा दाखल
पिंपरी ( वास्तव संघर्ष ) – फेसबुकवर महापुरुष व देवतांचे आक्षेपार्ह फोटो आणि वादग्रस्त पोस्ट केल्याप्रकरणी अकरा जणांवर गुन्हा दाखल करण्यात आला आहे . हा प्रकार शुक्रवारी ( दि . १ ) उघडकीस आला .
चिन्मय पाटील , सन्नी कांबळे , अजय ननावरे , राजगुरू कदम , सुमित रणदिवे , बाटग्याचा बाप , शक्यमुनी बुद्ध , प्रवीण बोरकर , विहान कदम , शांताराम मांडवकर , मक्या शेठ या फेसबुक आयडीधारकांवर गुन्हा दाखल करण्यात आला आहे . याप्रकरणीपोलीस हवालदार दादाराम शामराव जाधव यांनी शुक्रवारी ( दि . १ ) पिंपरी पोलीस ठाण्यात फिर्याद दिली आहे .
आरोपींनी आपसांत संगनमत करून एका धार्मिक ग्रंथाच्या नावाने तयार करण्यात आलेल्या फेसबुक ग्रुपवर आक्षेपार्ह पोस्ट सुरू होत्या . विविध समाजात तेढ निर्माण होईल अशा पोस्ट आणि फोटो व्हायरल केले . महापुरुष व देवतांचे आक्षेपार्ह फोटो मजकूरासह फेसबुकवर प्रसारित केले . त्यामुळे त्यांच्या विरोधात गुन्हा दाखल केला आहे .
