पिंपरी-चिंचवड पोलीस आयुक्त संदीप बिष्णोई यांची बदली; कृष्ण प्रकाश यांची पोलीस आयुक्तपदी वर्णी
पिंपरी (वास्तव संघर्ष) : पिंपरी-चिंचवड शहराचे पोलीस आयुक्त संदीप बिष्णोई यांची बदली झाली असून, आयपीएस अधिकारी कृष्ण प्रकाश यांची पिंपरी-चिंचवड पोलीस आयुक्तपदी वर्णी लागली आहे. मुंबई येथे पोलीस महासंचालक कार्यालयात विशेष पोलीस महानिरीक्षक (प्रशासन) म्हणून सध्या ते कार्यरत आहेत.
राज्यातील आयपीएस अधिका-यांच्या बदल्या झाल्याची चर्चा बुधवारी दिवसभर सुरू होती. त्यात पिंपरी-चिंचवडचे पोलीस आयुक्त संदीप बिष्णोई यांची बदली होऊन कृष्ण प्रकाश यांची शहराचे नवे पोलीस आयुक्त म्हणून वर्णी लागल्याच्या पोस्ट व्हायरल झाल्या. याबाबत रात्री उशिरा अधिकृत अध्यादेश जारी झाले.
बिष्णोई यांचा आयुक्त म्हणून एक वर्षाचा कालावधी पूर्ण होत असतानाच कृष्ण प्रकाश यांची पिंपरी-चिंचवडच्या आयुक्तपदी बदली झाली. शहराचे तिसरे पोलीस आयुक्त म्हणून कृष्ण प्रकाश यांच्याकडे जबाबदारी आली आहे
