रहाटणीतील चिंतामणी डेअरी येथे सुरु असलेल्या जुगार अड्यावर पोलिसांनी छापा ;सहा जणांना पोलिसांनी केली अटक
पिंपरी (वास्तव संघर्ष) – रहाटणी येथील सितारा गार्डन चौकातील चिंतामणी डेअरी येथे सुरु असलेल्या जुगार अड्यावर पोलिसांनी छापा टाकला आहे . त्यामध्ये वाकड पोलिसांनी जुगाराचे साहित्य चार हजारांचा मोबाईल फोन व 500 रुपयांची रोकड असा ऐवज जप्त करत सहा जणांना अटक केली आहे .
टी . आर . शिंदे पोलीस शिपाई यांनी वाकड पोलीस ठाण्यात फिर्याद दिली आहे
चंद्रकांत नंदकुमार सुरवसे ( वय 38 ) , उमेश भाऊराव गाडगे (वय 37 ) , उमेश गहिनीनाथ ठाकर ( वय 31 ) , अंकुश नाटंबे ( सर्व रा . रहाटणी ) , निलू ( पूर्ण नाव पत्ता माहिती नाही ) , दिनेश बलदानी ( पूर्ण नाव पत्ता माहिती नाही ) अशी अटक केलेल्या आरोपींची नावे आहेत . .
पोलिसांनी दिलेल्या माहितीनुसार , रहाटणी येथील सितारा गार्डन चौकातील चिंतामणी डेअरी येथे कल्याण मटका जुगाराचा खेळ सुरु असल्याची माहिती वाकड पोलिसांना मिळाली . त्यानुसार , पोलिसांनी बुधवारी ( दि . 28 ) मटका अड्यावर छापा टाकला . यामध्ये चार हजारांचा मोबाईल फोन व 500 रुपयांची रोकड असा ऐवज जप्त केला . तसेच जुगार खेळणा – या सहा जणांना अटक केली .अधिक तपास वाकड पोलीस करीत आहेत .
