धक्कादायक :पिंपरीत आढळला कुजलेल्या अवस्थेत मृतदेह
File Photo
पिंपरी (वास्तव संघर्ष) :पिंपरी चिंचवडमधील एका उड्डाणपुलावर टेम्पोमध्ये कुजलेल्या अवस्थेत मृतदेह आढळून आल्याने शहरात एकच खळबळ उडाली आहे . ही घटना रविवारी ( दि .25 ) दुपारी उघडकीस आली. हा मृतदेह नक्की कुणाचा आहे. याबाबत अजून माहिती मिळाली नाही.
पोलिसांनी दिलेल्या माहितीनुसार , पिंपरी उड्डाणपुलाजवळ एका टेम्पोमध्ये एका व्यक्तीचा मृतदेह आढळल्याची माहिती पोलिसांना मिळाली . त्यानुसार पिंपरी पोलिसांनी घटनास्थळी धाव घेतली . मागील काही महिन्यांपासून टेम्पो रस्त्याच्या बाजूला पार्क केला होता . त्यात एका व्यक्तीचा मृतदेह पडला होता . शरीरावर जखमांच्या खुणा जाणवल्या नाहीत .
त्यामुळे यात घातपाताची शक्यता कमी आहे . मृतदेह कुजलेल्या अवस्थेत असून शवविच्छेदनासाठी वायसीएम हॉस्पिटल येथे पाठवण्यात आला आहे . मयताची अद्याप ओळख पटलेली नाही. अधिक तपास पिंपरी पोलीस करत आहेत.
