टुव्हिलर गाडीच्या समोर गाडी लावल्यामुळे दोघांना जीवे मारण्याचा प्रयत्न ;चिखली पोलीस ठाण्यात गुन्हा दाखल
चिखली (वास्तव संघर्ष) :गवळी शाळेजवळ सहयोगनगर तळवडे येथे टुव्हिलर गाडीच्या समोर गाडी लावल्यामुळे दोघांना लाकडी दांडक्याने तसेच लाथाबुक्याने मारहाण करून जीवे मारण्याचा प्रयत्न केला आहे. ही घटना शनिवारी (दि.01) रात्री साडे आठच्या सुमारास घडली आहे. याबाबत चिखली पोलीस ठाण्यात पाच आरोपी विरोधात गुन्हा दाखल करण्यात आला आहे.
आशुतोष रमेश यादव (वय -२३ वर्षे ,रा . – के / ऑ शोभा रेकाळे यांची भाडयाची खोली नवनिर्माण हौसिंग सोसायटी रुपीनगर तळवडे) यांनी याप्रकरणी चिखली पोलीस ठाण्यात फिर्याद दिली आहे.
अक्षय ससाणे (रा- सोमेश्वर मंदीराजवळ ओटास्कीम निगडी ) सम्या (पूर्णनाव पत्ता नाही ) प्रतिक पाटील (रा.- नॅश्नल गॅरेजजवळ , सहयोगनगर तळवडे ) साहिल राऊत (रा.- रुपीनगर तळवडे ) राहूल जाधव (पूर्णनावपत्ता माहित नाही) असे गुन्हा दाखल झालेल्या आरोपींची नावे आहेत.
पोलिसांनी दिलेल्या माहितीनुसार, गवळी शाळेजवळ सहयोगनगर तळवडे येथे शनिवारी रात्री साडेआठच्या सुमारास फिर्यादी आशुतोष यादव हे त्यांचा मित्र प्रसन्न मलप्रभु पवार यास मोटार सायकलवरून त्याचे रहाते घरी सोडविण्यासाठी जात असताना आरोपी अक्षय ससाणे याने फिर्यादी आशुतोष यादव याला “ माझ्या मोटार सायकलला तुझी मोटार सायकल आडवी का घातली ” या कारणावरुन चिडुन जावून वाद करून झटापटीकरून , शिवीगाळ करून मोटार सायकल चालविणारा आरोपी सम्या याने त्यांचे साथीदार आरोपी प्रतिक पाटील, आरोपी साहिल राऊत, आरोपी राहूल जाधव यांना बोलावून घेवून त्यांनी सर्वांनी मिळून आपआपसांत संगणमत करून , सोबत आणलेल्या लाकडी दांडक्यांनी फिर्यादी त्यांचा मित्र प्रसन्न पवार असे दोघांना शिवीगाळ करुन लाथाबुक्याने मारहाण करून त्यांचेमधील अक्षय ससाणे याने एकाघराच्या भिंतीवरील कुंडी झाडासह हातात पकडून दोघांनाजिवे ठार मारण्याचे उद्देशाने फिर्यादी आशुतोष यादव यांच्या पाठीत मारून त्यानंतर मित्र प्रसन्न पवार याचे तोडावर ठार मारण्याचे उद्देशाने मारुन जखमी केले. अधिक तपास चिखली पोलीस करीत आहेत.
