चहाच्या दुकानात चार्जिंगला लावलेल्या फोनवरून महिलांना पाठवले अश्लील व्हिडीओ ;आरोपीला वाकड पोलीसांनी केली अटक
वाकड (वास्तव संघर्ष) : चहाच्या दुकानात चार्जिंगला लावलेल्या विविध फोनवरून आरोपीने वेगवेगळ्या महिलेला अश्लील व्हिडीओ पाठवत होता. विशेष म्हणजे हा आरोपी गरीब आणि कष्टकरी कामगारांचे फोन नंबर चोरी करून त्या नंबरचे व्हॉट्सअप तयार करून ते अनेक महिलेला अश्लील व्हिडीओ पाठवत होता. या आरोपीला वाकड पोलीसांनी अटक केली आहे.
याबाबत पिडीत महीलेने वाकड पोलीस ठाण्यात फिर्याद दिली आहे.
सम्पत राम शंकरराम( रा .सुभाष पॅनकार्ड क्लबरोड , चहाचे दुकान , रामदेव सुपरमार्केट जवळ , बाणेर , पुणे)असे गुन्हा दाखल झालेल्या आरोपीचे नाव आहे.
पोलिसांनी दिलेल्या माहितीनुसार, आरोपी सम्पतराम याचे बाणेर येथे चहाचे दुकान होते. त्या ठिकाणी चहा प्यायला येणारे गरीब लेबर येत असत. त्या दुकानात मोबाईल चार्जिगला लावुन लेबर कामास जात असायचे त्यापैकी ज्याचे साधे मोबाईल आहेत ज्यामध्ये व्हॉट्सअप नसते अशा मोबाईल नंबरचे व्हॉट्सअप बनवून स्वतःचे मोबाईलमध्ये चोरुन घेवुन वेगवेगळ्या महिलांना अश्लील वीडियो आणि मेसेज पाठवत होता . तसेच तो पुर्वी फर्निचरचे दुकानात काम करीत होता त्यावेळी दुकानात आलेल्या कस्टमरचे नंबर त्याने स्वतःकडे ठेवलेले होते त्या नंबरवर तो अशा प्रकारे कॉलींग करुन त्यांना त्रास देत असायचा . त्याने फिर्यादी महीलेप्रमाणेच इतर काही महीलांनाही अशा प्रकारे अश्लील मेसेजेस व अश्लील व्हिडीओ कॉल करुन त्रास दिला असण्याची शक्यता आहे. त्यामुळे नागरिकांना आवाहन करण्यात येते की अशा प्रकारे अश्लील मेसेजेस , अश्लील व्हिडीओ कॉल करुन त्रास दिला असल्यास त्यांनी वाकड पोलीस स्टेशन येथे संपर्क साधावा.
सदरची कामगिरी पिंपरी चिंचवड पोलीस आयुक्त कृष्णप्रकाश , अपर पोलीस आयुक्त रामनाथ पोकळे ,पोलीस उप आयुक्त गुन्हे. सुधिर हिरेमठ , पोलीस उप आयुक्त परि -२ . आनंद भोईटे , सहा . पोलीस आयुक्त श्रीकांत डिसले यांचे मार्गदर्शनाखाली वाकड पोलीस स्टेशनचे वरिष्ठ पोलीस निरीक्षक विवेक मुगळीकर , पोलीस निरीक्षक गुन्हे -१ संतोष पाटील , पोलीस निरीक्षक गुन्हे -२ सुनिल टोणपे , तपास पथकाचे सपोनि अभिजीत जाधव , सपोनि . एस . एम . पाटील , तसेच वाकड पोलीस स्टेशनचे पोलीस अंमलदार सपोफी . विभीषण कन्हेरकर , पोहवा . बापुसाहेब धुमाळ , पोहवा . राजु काळे , पोहवा . दिपक भोसले , पोना वंदु गिरी , पोना . विक्रम कुदळ , पोना . प्रशांत गिलबिले , पोना . विजय गंभीरे , पोना . प्रमोद कदम , दिपक साबळे , पोशि . सुरज सुतार , तात्या शिदे , नुतन कोडे यांनी केली .
